Dili – Sporting de Timor Fc, hanesan ekipa segundu divizaun, hakat mós ba faze oitavu finais, banhira elimina tiha Academica Fc ho scor 6-0, iha jogu finál jornáda 16, ba taxa 12 Novembru tinan ne’e.
Tuir treinadór Sporting de Timor Fc, Moises da Silva hateten, nia kontente ho rejultadu ne’ebé nia ekipa rekolla.
“Hau fó parabéns ba hau nia jogadór, tanba sira fight to’o 90 minutu bele hetan rejultadu 6-0”. Hateten treinadór ne’e iha stadium Munísipal Dili-Tersa (24/11/2020).
Nia mós hatutan, ho vitória ne’ebé sira rekolla hanesan parte positivu ida, tan ne’e hodi motiva sira atu prepara liu tan, tanba iha faze oitavu finais sei hasoru AD SBL ka Zebra, tanba ekipa rua seidauk joga.
“Jogu ba oin ami sei hasoru SLB ou Zebra, se SLB manan ami sei hasoru, ne’ebé ida ne’e hanesan buat todan ida, maibé ami nafatin esforsu”. Nia esklarese.
Enkuantu treinadór ne’e mós optimista, hakarak nia ekipa tenki hakat liu tan faze sira tuir mai.
Tanba ne’e, nia promete, ba oin nafatin halo preparasaun tuir kondisaun no rekursu jogadór ne’ebé sira iha ona.
“Uza ami nia jogadór ne’ebé mak iha hodi joga to’o minutu “90”, mak sei termina”. Nia hakotu. (Vidal).
About Post Author
