Dili – Mouzinho de Lima, hanesan mós jogadór intímu husi liña avansadu AD SLB Laulara nian, ho númeru kamizola (10), iha ne’ebé hamutuk ho nia aliadu jogadores sira iha SLB hotu, sempre lori sira nia ekipa hakat to’o faze finál iha jogu sira liu ba, hanesan mós copa FFTL foin finaliza iha fulan kotuk, kontra Lalenok United Fc.
Tanba ne’e, iha jogu taxa 12 Novembru tinan ne’e, iha finál jogu ba jornáda 16, AD SLB joga dahuluk kontra Zebra Fc, iha stadium Munísipal, Dili-Kuarta (25/11) ne’e, Mouzinho de Lima labele partisipa iha jogu kontra sira nia adversáriu, tanba ho kondisaun ain seidauk rekopera.
Tuir assistante treinadór AD SLB Laulara, Efren Jerónimo iha konfrénsia imprensa hateten, jogadór hotu iha kondisaun di’ak, maibé sira sei lahatun jogadór númeru kamizola 10, Mouzinho de Lima, tanba foin joga iha Copa FFTL nian, hetan aleiza iha nia ain.
“To’o agora ami seidauk koko nia atu joga, no labele obriga nia atu joga”. Hateten assistente treinadór ne’e iha LFTL, Xanana Sports Centre, Tersa (24/11/2020).
Maske nune’e, assistente treinadór ne’e afirma, sira preparadu atu hasoru Zebra. Maibé nia konsidera, ekipa adversáriu mós la’os ekipa ida foun, ne’ebé iha minutu “90”, mak termina.
“Ekipa rua bainhira hala’o jogu, iha hanoin atu sai vensedór iha jogu ne’e rasik, nune’e bele hakat ba iha faze tuir mai, ne’ebé SLB mós iha hanoin tenki manan para bele hakat ba oin”. Nia dehan.
Enkuantu nia mós realsa, estratéjia jogu sei la’o hanesan baibain aplika ona iha jogu sira liu ba.
“Maske sira hanesan ekipa segundu divizaun, hasoru ami, labele dehan sira joga ladi’ak, sira mós joga”. Nia konsidera. (Vidal).
About Post Author
