Dili – Treinadór Sporting de Timor Fc, Moises da Silva, iha konfrénsia imprensa deklara, sira preparadu atu hasoru ekipa delegadu husi UNTL nian, Académica Fc, iha taxa 12 Novembru sei akontese aban.
Joga entre ekipa rua, Sporting de Timor sei kontra nia adversáriu, iha stadium Munísipal Dili-Tersa (24/11), oras hatudu tuku 16:00pm loloos.
Tanba ne’e, tuir treinadór ne’e katak, depois de jogu copa FFTL liu ba, sira hahú deskansa tiha kuaze semana iha ka rua, foin sira hahú kontinuasaun treinu antes tama fulan Novembru ne’e nia laran.
“Hau bele dehan, ami nia preparasaun másimu ona hodi hasoru Academica Fc, aban Tersa (24/11), ba jogu taxa 12 Novembru ne’e rasik”. Informa treinadór ne’e iha LFTL, Xanana Sports Centre, Segunda (23/11/2020).
Nune’e mós treinadór ne’e optimista hakarak nia ekipa tenki manan, tanba ne’e tenki iha estratéjia, preparasaun físiku no tékniku, atu nune’e bele manan jogu, maibé buat hotu depende ba ’90’ minutu mak determina.
Enkuantu, relasiona ho estratéjia ba forma liña jogu, treinadór ne’e informa, sei la’o hanesan baibain, tuir saida mak sira aplika ona iha Copa FFTL foin liu ba. Maibé nia rekoñese, ida ne’e la’os sai baze atu manan ekipa adversáriu.
“Hau bele dehan, hanesan treinadór, detekta sira nia frakeza ida ka rua, maibé sira mós iha jogadór di’ak balun mak haforsa hela sira, tanba ne’e hau sei monta estratéjia ida, oinsa jogadór siat fokus ba jogadór di’ak sira ne’e, nune’e bele rekolla vitória.
Enkuantu treinadór ne’e hatutan, relasiona ho matéria ba jogadór, sira la’o ho matéri ne’ebé simples, nune’e mós ba jogadór, sira hare joga di’ak iha klubu balu, enkoraja sira inklina tan iha sira nia ekipa. (Vidal).
About Post Author
