DILI – Eis jogadór lendáriu Indonesia ne’e konsidera derrota ida refere fó lisaun ida ba nia hanesan treinadór atu estuda ba jogu tuir mai kontra ekipa tolu ne’ebé mak hasoru iha tempu tuir mai.
“Ha’u apresia ba jogadór Edit Savio nia esforsu ohin bele hatama golu rua ba Ad SLB nia rede, tanba la sees husi matéria ne’ebé mak durante ne’e ha’u fó ba nia,”
hateten Miro ba Desportu.xyz, iha estadiun Domingo (23/08).
Miro haree no promete Boavista sei hakat liu bareira husi ekipa iha faze kualifikasaun grupu D hodi hakat ba 8 finais, tanba Boavista nia jogadór preparadu ona.
Nia dehan tuir estatistika Boavista domina liu bola maske ho jogador na’in 10 maibè Ad SLB nia eskor 2-3 laliu husi jogador individual tanba sira nia golu tanba sorte.
Fó hanoin katak Boavista sei kontra ekipa tolu iha grupu D mak hanesan Kablake FC, Lika-Lika fc, no Emanuel FC.
Boavista sofre onu golu1-0 ho nune’e hetan oportunidade hodi lansa sutu Free Kick, ho biban ne’e Edit Savio ne’ebé la xave metin hosi SLB iha area risku simu no prosesa bola barullu sai golu hodi halo jogu empate 1-1 iha minutu 24 golu refere nudar golu saltu.
Iha fali segunda parte SLB nafatin lidera jogu 2-1 iha kontinuasaun segunda parte jogu, maibé Edit Savio ho esforsu kontinua halo empate 2-2 iha minutu 60.
Mezmu nune’e sorte pertense ba SLB hodi aumenta golu iha minutu ikus nian no termina jogu ho rezultadu 2-3. (Eugenio)
About Post Author
