DTL – Maske Boavista FC Timor derota ho S.L.B iha grupu D, maibe Edit Savio mak sai mellor jogadór iha jogu primeira ronde kualifikasaun grupu preliminar ba copa FFTL tinan 2020 ne’e.
Tuir Edit Savio, nia kontente banhira sai hanesan mellor jogadór iha jogu dahuluk ne’e, tanba bola ne’ebé hatama ho bonitu (saltu).
“Hau kontente tebes tanba bola ne’ebé hau hatama ho mortal ne’e atu responde fila fali golu ne’ebe S.L.B fó mai ami”. Hateten nia ba jornalista sira iha Stadium Munisipal Dili, Domingu (23/08/2020).
Tan ne’e, nia haktuir tan, maske iha primeira parte sira hetan kartaun mean no rejulta golu halo sira is la iha, maibé banhira nia hatama golu refere halo sira kontente iha jogu ne’e to’o remata ho skor 2-3.
Enkuantu nia mos esklarese, relasiona ho kompetisaun atu sai mellor markadór nian ba copa tinan ne’e, nia sente la defísil, maibe importante liu atu lori ekipa hetan kampeaun.
Nia mós rekoñese, bainhira sira derota ho ekipa S.L.B tanba hetan falansu ruma husi nia ekipa rasik, banhira sira hetan kartaun mean iha jogu primeira parte hodi rejulta golu liu husi penalidade.
“Jogu ida ohin ne’e hanesan sorte hotu, tanba ne’e mak sira manan ami ho skor 3-2”. Nia afirma.
Primeira Semana jogu dahuluk preliminár kualifikasaun grupu remata ona iha Domingo (23/08), Hafoin árbitru Francisco Ferreira Derije Kick off iha oras 16:00, SLB kontrola bola hodi lansa atake hasoru Boavista, Jogadór João Pedro halo tentativa iha minutu datoluk maibé bola sei aas liu.
Sorte at monu ba Boavista iha minutu 15, basá SLB lansa atake no infiltrasaun to grande area laran hodi hamosu barullu, hamosu hand to ball iha area risku iha momentu bola vantajen ba iha SLB Laulara.
Insidente ne’e bola paradu minutu balun no árbitru Francisco lolo liman ba bolsu hodi losu kartaun mean ne’ebé derrije ba defeza direita Boavista, Jose Guterres Silva (Jecka) ho obrigatoriu sai hosi kampu. Nune’e Boavista hela de’it jogadór na’in sanulu iha kampu.
Ho kastigu hand ball iha grande area laran ne’e SLB simu prezente sutu direita penalty kick, jogadór ho kamizola 10, (Mouzinho de Lima) ho susesu ezekuta no hamosu golu dahuluk iha jogu ne’e.
Golu refere la durra kleur, ho durasaun minutu sia, Boavista hetan oportunidade hodi lansa sutu Free Kick, ho biban ne’e Edit Savio ne’ebé la xave metin hosi SLB iha area risku simu no prosesa bola barullu sai golu hodi halo jogu empate 1-1.
Ekipa rua termina primeira ho rezultadu empata 1-1 no hetan mos kartaun tolu, Kartaun Mean ida direita ba Boavista, no kartaun segundu ba SLB hetan hosi jogadór Tomas Sarmento, inklui mós edit Savio, hetan iha minutu 45 hodi termina primeira parte.
Remata deskansa segunda parte, tama fali kampu, ekipa rua kontinua kansa atake, maibé SLB Laulara agresivu liu hosi area liman loss SLB nian, jogadór kamizola 21 (Alexandro Kefi) lansa bola kañaun ne’ebé halo guarda rede, Boavista Aderito Fernandes (Ade) la konsege halo salvasaun basá atrapalla hela ho Jogadór liña kotuk Boavista balun satan iha iha ninia oin nune’e rezultadu ba 2-1.
Edit Savio, Eis melhor Jogadór iha Tasa 12 Novembru 2015 ne’e kontinua hamosu golu daruak hosi Boavista hodi emapate golu 2-2, iha minutu 60 liu hosi bola barullu iha area riskun ne’ebé foti hosi tiru kantu.
Rezultadu refere dura kleur no bola barak liu domina hosi Boavista hodi lansa atake mezmu jogadór na’in 10 de’it, tanba ida akumuladu kartaun mean. Maibé SLB mantein dixiplina salva sira ninia area atu hasai bola no dudu atake ba oin.
Tempu besik termina, ekipa SLB lansa atake total sutu demaziadu ba rede Boavista ikus mai, rezulta dunik golu iha minutu 88 hosi jogadór Nidio Alves ne’ebá lansa sutu bola semo as no monu iha sikun rede nian, guarda rede Adérito la konsege salva no hatuur rezultadu 3-2 to’o termina jogu dahaat kualifikasaun Grupu D iha kopa FFTL 2020 ne’e. (Augusto)
About Post Author
