DILI – Iha jogu grupu D nian, ekipa Boavista FC Timor derota, bainhira kontra S.L.B Laulara iha jornada dahuluk ba copa FFTL tinan ne’e, tanba ekipa Boavista nia jogadór hetan kartaun mean, nune’e fó biban S.L.B lidera golu.
Tuir treinadór Boavista FC Timor Miro Valdo Bento rekoñese, bainhira derota ho A.L.B, tanba falla husi nia jogadór ida hetan kartaun mean iha minutu 14, halo golu lais liu iha jogu primeira parte.
“Ohin ami lakon tanba ami nia jogadór José da Silva, banhira hetan kartaun mean nune’ehalo penalidade hodi rejulta golu ho lalais liu iha jogu primeiru parte”.
Hateten treinadór ne’e iha nia konferensia imprensa iha Stadium Munisipal Dili, Domingo (23/08/2020).
Tan ne’e, tuir nia maske sira derota, maibe nia agradese ba nia jogadór sira tanba iha ema nain sanulu deit, maibé haree ba estatístika Boavista domina liu bola, maske S.L.B mak manan ho skor 3-2.
“Ohin golu S.L.B nian ne’e mak golu liu husi programadu, entaun hau bele dehan ami fraku maka’as, maibe lae, tanba sira nia golu ne’e mós hanesan sorte ida hotu”. Hateten nia.
Enkuantu treinadór ne’e mós fó parabens ba ekipa S.L.B, bainhira nia ekipa derota , tan ne’e iha jogu tuir mai sira sei hare fila fali pontu hirak ne’e falla sei hadia di’ak liu tan.
Ekipa Boavista forma nia jogadór ho estratejia iha kampu ho 4-3-3, tan ne’e atu fó hanoin hikas, ekipa S.L.B manan ekipa Boavista ho skor 3-2. (Vidal).
About Post Author
