(DTL, Domingu (23/08/2020) – Asistente Ad S.L.B Laulara deklara, maske sira manan ekipa Boavista ne’e hanesan sorte, tanba sira nia liña balun sei fraku iha jogu jornada dahuluk iha grupu D, ba copa FFTL tinan ne’e.
Hateten asistente Efren Jerinímo iha konfrensia imprensa ne’ebé hala’o iha Stadiun Munísipal Dili.
Tanba ne’e, asistente treinadór ne’e mós rekoñese, sira manan ekipa Boavista mós hanesan sorte ida hotu iha jogu dahuluk iha grupu D ne’e.
“Ami manan ne’e mós hanesan sorte ida hotu, tanba itaharee ekipa Boavista ohin mós forte makas”. Nia dehan.
Enkuantu, nia afirma ba oin sira seihadi’a sira nia parte liña balun ne’ebé indentifika sei fraku, atu nune’e jogu tuir mai bele di’ak liu tan.
“Ami nia liña balun sei fraku ne’e tanba jogadór sira foin treinu hamutuk, ne’ebé ami atu truka ne’e susar”. Rekoñese nia.
Asistente S.L.B Laulara ne’e mós afirma, iha sira grupu D, nia parte la dehan ekipa ida ne’ebé fraku no maka’as liu, tanba ekipa hotu-hotu preparadu, atu sai kampeaun iha copa ne’e rasik.
Ekipa S.L.B Laulara forma nia jogu ho estatéjiku 4-3-3, banhira hasoru ekipa Boavista hodi manan ho skor 3-2.
Fó hanoin fali, ekipa S.L.B Laulara iha grupu D, hamutukho Boavista FC Timor, Emanuel FC, Kablaki FC no Lika-Lika Lemorai FC. (Vidal)
About Post Author
