DILI – Treinadór DIT FC realiza duni nia mehi, tanba antes ne’e nia deklara ona katak sei halakon ekipa Santa Cruz iha jogu prelemináriu, iha grupu A, ba Copa FFTL 2020.
Tuir treinadór Mial Balebata Armand hateten, nia agradese tebes ba nia ekipa, tanba horisehik bele manan ekipa Santa Cruz ho skor 2-0.
“Los duni katak antes ne’e ami nia terjetu ne’e tenki hanesan ne’e duni,” Hateten treinadór ne’e iha nia konferénsia imprensa iha Estadiu Munisipál Dili, tersa (26/08/2020).
Tan ne’e, nia relata tan, relasiona ho kompetisaun ba jogune’e rasik nia fó agradese tebes ba jogadór sira bele lori ekipa ne’e avansa tan ba oin.
“Hanesan treinadór kontente tebes ho rejultado ida ohin”. Nia espresa.
Enkuantu, nia mós afirma tan, iha jogu tuir mai sei hasoru Lalenok FC, tan ne’e laos ho buat ne’ebébaibain, tanba ekipa ne’e mós forte tebes.
“Hanesan treinadór, hau nia esperansa ne’e tenki to’o iha 8 finais”. Nia promete.
Tan ne’e treinadór ne’e mós hateten tan, ba oin sira tenki prepara di’ak liu tan, tanba xave hotu iha ekipa Assalam FC.
“Xave ne’e iha Assalam, se bainhira mak liu tan iha faze ida ne’e, garante katak bele tama iha ekipa ikus liu”. Nia garante. (Vidal).
About Post Author
