(DTL-Tersa, 26/08/2020), Treinadór Fitun Estudante FC fó lia menon katak sei fó skor 2-0 ba Nagardjo FC ba kompetisaun jogu ba preliminar iha grupu B ba Copa FFTL tinan ne’e.
Lia hirak ne’e hato’o husi treinadór Fitun Estudante FC Antonio Gari liu husi viatelefone ba Jornalista Desportu.xyz.
Tuir treinadór ne’e katak, sira optimista hakarak manan Nagardjo iha kompetisaun ba jornada dahuluk iha grupu B ne’e hodi hakat ba 8 finais.
Tanba ne’e, tuir nia maske sira nia preparasaun seidauk masímu hodi koko sira nia liña hotu atu joga, maibe tuir nia, aban tenki hadau pontu tolu husi kompetisaun ne’e rasik.
“Ba ami la tauk iha torneo ne’e, maske ami nia preparasaun seidauk masímu”. Promete nia.
Enkuantu, nia afirma tan, maske klubu hotu hakarak manan iha kompetisaun Copa tinan ne’e, maibé nia mós garante nia jogadór sira atu kompete ho ekipa ne’ebé de’it.
Treinadór ne’e mós esklarese, daudaun ne’e nia utiliza de’it jogadór lokal sira iha rai laran hodi haforsa hela nia ekipa.
Fó hanoin hikas, Fitun Estudante FC hakerek ona istoria furak iha nia klubu rasik, tanba sai ona kampeaun iha Copa esperansa iha tinan 2005.
Tan ne’e, treinadór ho nasionalidade timoroan ne’e, iha mehi furak ida hakarak lori ekipa ne’e manan tan iha kompetisaun tinan ne’e. (Vidal).
Lee mos: Nagardjo: Garante Ona Foti Pontos 3 Husi Fitun Estudante
About Post Author
