(DTL 25/8/2020) Dili Institutu Teknolozia DIT FC hamonu nia adversario Santa Cruz iha jogu grupu A, halo treinador Olandino Alves de Jesus triste hafoin sira simu derota 2-0.
Tuir treinador Santa Cruz ba jornalista katak jogu entre ekipa rua ne’e laiha ida mak forte liu tanbà iha permera parte eskor termina 0-0.
“Ha’u hanesan trenador triste wainhira iha jogu segunda parte Santa Santa Cruz simu golu rua tui tuir malu tanbà jogador sira la mantein ritmu jogu hanesan iha premera parte,” deklara Olandinu ba jornalista iha estadiu munisipal Dili tersa (25/08).
Nia afirma hanesan treinador hau apresia nafatin ba jogador sira nia jogu ohin diak tebes tanbà Santa Cruz la simu derota ne’ebè mak bo’ot.
“Ami sei hadia failansu barak ne’ebè mak ohin jogador sira komete iha jogu laran no perziza avansadu diak ida atu ajuda Santa Cruz iha jogu tuir mai,”relata Olandino
“Ohin triste bo’ot ba hau mak jogador sira la koi aproveita bola golu iha lina oin, tanbà ne’e mak sai lisaun id aba hau atu estuda,” tenik treinadór ne’e ho korajen.
Santa Cruz nia esperansa mak ne’e ami la hakfodak ekipa rakasasa sira,tanbà Santa Cruz nia mehi hakarak hakat ba 8 finais hanesan mos ho ekipa sira seluk nia mehi ba copa Federasaun Futebol Timor Leste FFTL.
Ekipa Santa Cruz hela jogu tolu hanesan Lalenok United,Assalam Jebra Fc no tuir mai Santa Cruz sei kontra Jebra Fc. Fo hanoin ba adeptos ekipa rua nian katak iha jogu aban Fitun Estudante sei kontra Nagardjo FC iha Estadiu Munisipal Dili iha 16:00 OTL. (Vidal).
Lee mos: Mial Agradese DIT Lori Pontu tolu Hosi Santa Cruz
About Post Author
