DILI – Ekipa jigante rua, Lalenok United FC sei hasoru AD-SLB Laulara iha final Tasa 12 Novembru 2020, iha stadium Munisípal Dili-Domingu (12/12),
se los mak sei sai Kampeaun iha taxa refere.
Tanba ne’e tuir treinadór Lalenok United, Simon Elessetche hateten, matéria jogu SLB nian di’ak no jogadór sira maiória selesaun nasionál Timor Leste nian. Tanba ne’e sira nafatin preparadu atu hasoru nia adversáriu.
“Ami preparadu, ho jogadór sira ne’ebé antes ne’e hetan aleiza hodi la joga, no daudaun ne’e sira nia saúde rekupera ona atu partisipa iha jogu finál aban”. Hateten treinadór ne’e iha konfrénsia imprensa, Stadium Munisípal Dili-Sabádu (11/12/2020).
Relasiona ho informasaun balun ne’ebé lansa dehan jogadór Lalenok nia ida ho naran Soares atu haforsa tan Lalenok iha jogu finál ne’e, treinadór ne’e afirma ne’e laloos, sira nafatin utiliza jogadór sira ne’ebé antes ne’e joga ona.
“Ho eskema jogu sei iha mundansa balun, tanba jogu entre ekipa rua antes iha copa FFTL mós kuaze hanesan, ne’ebé sei iha estratéjia ruma bele halo mudansa jogu aban”. Afirma nia.
Treinadór ne’e mós argumenta, nia parte lakoi kolia kona-ba optimista ka pesimista, maibe nia buka buat ne’ebé realidade, tanba ne’e aban sei fokus atu konsentra iha minutu 90 nia laran iha de’it.
Nia now promete, sira nia planu hakarak mantein jogu refere, tanba hakarak kada jogadór tenki kaer metin jogadór SLB nian ida-idak, nune’e bele hamate sira nia jogu.
Enkuantu kapitaun Lalenok United Francisco da Costa rekoñese, jogadór SLB mós hanesan ekipa ida forte, tanba ne’e sira nafatin preparadu atu hasoru.
“Hau hanesan kapitaun, prepara ami nia ekipa para hasoru sira”.
Nia dehan tan, jogadór SLB nian liña avansadu mós forte maka’as, tan ne’e nia afirma sira mós treinadu atu hasoru sira hodi hamate sira nia jogu aban.
“Ami sei kaer metin sira, no labele husik sira kaer bola”. Promete nia. (Vidal).
About Post Author
