DILI – Asistenti treinadór Ad SLB laulara Efren Jeronimo lakohi nia ekipa Makikit hetan derota ba dala ha’at ho Lalenok United iha taca 12 Novembro ne’ebé mak sei hala’o iha estadiun munisipal Dili Sabadu (12/12).
Tuir asistenti treinadór katak ekipa SLB nia preparasaun ba jogu final taca 12 Novembro kontra Lalenok United preparadu ona tanba jogu final ne’e hanesan inportante ba SLB atu manan.
“SLB sei otimista lakohi atu hetan derota ho Lalenok United iha jogu final taca 12 Novembro tinan ne’e tanba copa FFTL hanesan motivasaun ida mai ami” relata Efren ba jornalista iha estadiun munisipal Dili Sesta (11/12).
Nia hatutan SLB nia derota iha copa FFTL ne’ebé mak hetan iha estadiun café de Ermera liu ba hanesan lisaun ida ba SLB atu hatene pontu fraku Lalenok.
Iha ona informasaun balun kona ba jogador importante Lalenok nia balun sei la tun joga iha final tanba ne’e SLB sei aproveita oportunidade ne’e diak liu tan.
Treinadór ne’e hatete SLB sei uza estratejia defeza atu hamate avansadu Lalenok nia iha final Copa FFTL hodi aplika fali iha taca 12 Novembro aban.
Kona-ba jogador Mozinho Lima nia kondisaun rekopera total, maibe depende fali ba head couch Kim Shin Hwan atu deside.
Keta haluha asiste jogu final taca 12 Novembro entre Ad SLB kontra Lalenok United iha estadiun munisipal Dili (12/12) Ors 16:00. (Eug).
About Post Author
