Dili – Kada tinan-tinan, Dili Institutu of Tecnologi (DIT) oferese Bolsu Estudu ba jogadór sira klubu no estudante finalista sira ne’ebé remata ona iha nivel sekundariu ne’ebé iha talentu di’ak iha futeból atu kontinua sira nia estudu ho gratuita bainhira sai futebolista di’ak bainhira haforsa iha klubu DIT FC.
Tuir manajamentu klubu DIT FC, Estanislao Baptista informa, jogador ne’ebé hetan Bolsu Estudu sira sei halo avaliasaun, maske nia joga di’ak, maibé nia estudu han tempu kleur, sira sei husik atu labele joga iha klubu no fo oportunidade ba ema seluk.
“Ami sempre anunsia ba jogadór sira seluk no estudante sira ne’ebe remata iha nivel sekundariu ne’ebé iha pretasaun di’ak iha futeból, hakarak hetan Bolsa Estadu iha DIT bele mai”. Dehan manajer ne’e iha nia knaar fatin DIT, Manleuna-Sexta (05/02/2021).
Nia esplika, bainhira jogadór sira ne’e mai, ekipa téknika sira sei halo selesaun, baihira hare ida ne’ebé joga di’ak hafoin rekomenda ba parte manajementu atu fo kontratu sira.
Loke bolsa estudu ne’e ba sira ne’ebé iha prestasaun di’ak iha futebol atu eskola gratuitu, maibé joga iha ekipa DIT Fc nian.
Enkuantu tuir manajer ne’e. hahú ezistensia DIT Fc iha to’o agora, fo ona Bolsu Estudu ba jogador sira ne’ebé iha prestasaun di’ak hodi haforsa ekipa DIT, porvolta hat nulu resin.
Sira balu gradua ona, no ba kontinua ba joga fali iha klubu seluk, ne’ebe ami orgullu tebes, tanba investimentu ba jogadór sira iha nia valór.
Bolsu estudu ba jogador sira ezemplu hanesan Nobel iha Boavista, ne’e orgullu ida ba ami tanba sira muda ba mos nafatin hatudu prestasaun di’ak.
Durante sira eziste no hetan jogadór sira liu husi Bolsa Estudu sira ne’e, konsege lori sira nia ekipa DIT FC sai kapeaun iha kompetisaun Liga Amadora nian iha segundu divizaun ba primeira divizaun.
Agora daudauk ne’e fo Bolsa Estudu ba jogadór sira hamutuk 12, maibe sei la taka dalan ba jogadór sira ne’ebe hakarak hetan Bolsa Estudu ida ne’e. (Vidal).
About Post Author
