Dili – Tuir manejamentu klubu DIT FC, Estanislao Baptista informa, sira la iha problema ho jogadór sira, tanba jogador sira ne’ebé sai ne’e sira mak deside-aan rasik hakarak muda ba klubu seluk, tanba nee informasaun sira ne’e laloos.
Kestaun ne’e atu hatan ba informasaun ne’ebé jornalista Desportu.xyz asesu husi fontes balun ne’ebé lakoi fó sai nia indentidade katak, daudaun ne’e ekipa Dili Institutu of Tecnolojia (DIT) FC hetan problema ho nia jogadór balun, hodi halo jogador sira halai sai hotu husi klubu.
“Iha jogador balun nia kontratu remata no balun free kontratu, ne’ebé sira mak deside atu ba klubu seluk, ne’ebé ami mos husik sira atu ba klubu seluk”. Dehan manajer ne’e iha nia knaar fatin DIT, Manleuna-Sexta (05/02/2021).
Nia hateten, antes ne’e nia esplika ona ba jogador katak, kontratu ho jogador ne’e oin seluk, maibé la iha kontratu mak free hodi hili desizaun rasik ba klubu ne’e oin seluk, tanba ne’e nia hanoin la iha problema.
Hanesan jestor klubu, ami sente katak iha ne’ebe de’it iha komentariu sira ne’e hanesan parte ida atu hadia futebol ne’e diak liu tan.
Nia esplika, DIT Fc fó nia kontratu oin tolu, ida fo bolsu estudu ba jogador atu eskola gratuitu hodi joga iha DIT Fc no hetan osan trasporte, bainhira tuir treinamentu. Segundu kontratu jogador lokal la’os estudante, no sira ne’e hetan salariu tuir kondisaun klubu nian.
Ida fali fo kontratu ba jogador estranjeiru ho nia klasifikasaun la hanesan, tanba tuir sira nia kondisaun.
Hau dehan ba sira, katak jogador ne’ebe klubu presiza hodi kontratu la hanesan ho jogador ne’ebe hakarak mai klubu ne’e diferente, tanba ne’e ninia tratamentu ne’e lahanesan.
Tuir nia katak, relasiona ho jogador balun ne’ebé husik hela klubu la iha impaktu ba sira nia ekipa. (Vidal).
About Post Author
