DILI – Treinadór Sporting Klubu de Timor Moises da Silva informa jogador avansadu Marito dos Santos no Americo dos Santos ne’ebé mak kontratu ona ho klubu Ponta Leste iha janela transferensia epoka 2021, sei lalori impaktu ba Sporting iha jogu Play Off.
Tuir treinadór ne’e katak Jogador nain rua ne’ebé mak muda ba Ponta Leste ho pozisaun iha Sporting hanesan avansadu no defeza sentral.
“Maibe Sporting sei iha jogador barak atu subtitui jogador na’in rua nia fatin atu kompete iha jogu Play Off ba primeiru divizaun epoka 2021 Liga Futebol Timor Leste (LFTL)” relata Moises ba jornalista iha kampu demokrasia segunda (01/02).
Nia hateten klubu Sporting garantia ba jogador hotu iha ekipa ida nia laran laiha jogador ida mak klubu atu garantia tanba ne’e jogador nain rua ne’e la fo impaktu ba klubu.
Iha klubu Sporting oras ne’e dadauk Jogador sira sei livre hela transferensia no ami mos labele kaer metin jogador sira wainhira hakarak muda ba klubu seluk, nia hatutan.
Moises reforsa katak Sporting rekoñese sei krize hela jogador meiu kampu tanba ne’e klubu buka meius oinsa atu rekruta jogador diak ida hodi haforsa liña klaran.
Nia mos haktuir kona ba Sporting nia preparasaun iha jogu Play Off ba primeiru divizaun seidauk halo preparasaun tanba sei kumpri hela Estadu Emerjensia ne’ebé mak estadu fo sai ona.
Karik mak situasasaun normal, ami sei rona fali instrusaun husi estrutura klubu hahu fali trenamentu iha semana ida ne’e. (Eug).
About Post Author
