DILI – Adeptu bola Iha Timor-leste parese sei lembra istória kopa mundiál ne’ebé hala’o iha Áfrika súl, momentu ne’ebé ekipa Inglatera simu derrota hasoru Alemaña.
Istória moruk ne’e akontese mós iha kopa FFTL 2020, ne’ebé kauza Akadémika FC sente sai vítima hosi jogu.
Iha kopa mundiál Lampard halo sutu ida dook kona aserta iha besi rede riin leten hafoin tama rede laran, ne’ebé la konsege salva hosi guarda rede Neuer iha momentu Inglatera duni hela atu empate 1-2, Hosi replay ka loke fila fila video haree duni bola kona trave no tun tama rede laran.
Guarda rede Alemaña rasik rekoñese bola refere golu hafoin nia ba asiste fali video iha sala kontrola dopping, árbitru ne’ebé lidera jogu Larrionda anula golu refere.
Esperiénsia ne’ebé akontese mós ba Akadémika, sofre on golu hosi Karketu Dili halo akadémika agresivu hodi lansa atake barak.
Jogadór kamizola 8 Joel Gaio (Akadémika FC) konsege lansa bola dook direita (ho velosidade segundu 3) no kona trave monu ba rede laran ho lais bola semo sai fali.
Ambiente ne’e lori fali sorte di’ak ba iha Karketu basá arbitru ho distánsia dook metru 45 tarde to’o hosi rede Karketu inklui asistente árbitru mós tarde to goal line hodi deside bola refere golu ou lae.
Franky Cardoso, guarda rede karketu aproveita la rona apitu lian no juís liña tarde to fatin, guarda rede nee hakuak bola metin, nune’e árbitru Jaime Gonçalves la hasai desizaun ruma kontinua fali jogu normal to jogu termina. (Augusto)
About Post Author
