Desportu.XYZ – Atakante Ponta Leste, Silveiro Garcia eleitu hanesan mellor jogadór iha jogu daruak kopa FFTL 2020, no simu kedas prezente hosi empreza patrosiniadór páteo hafoin jogu segunda parte termina iha estádiu munisipál Dili, 21/08/2020.
Jogu daruak kopa FFTL 2020 entre Ponta Leste kontra Ultramar hahú hafoin apitu lian kick off, hosi dirijente Jogu árbitru, Eufrásio da Costa Silva.
Ponta Leste hetan sorte di’ak, hafoin ninia jogadór kamizola 9 monu iha area risku ho pozisaun bola vantajen árbitru Eufrásio dirije kedas oferta sutu direita (penalty Kick) ba ultramar, jogadór Silveiro Garcia ho susesu ezekuta tirru hodi loke golu dahuluk iha minutu 3.
Ponta Leste hetan sorte golu gratuitu ida, hafoin ponta leste lansa atake nakonu sae ba area Ultramar nian, mezmu atu satan bola maibé bola fila tama rede rasik. Erru ne’e komete hosi kamizola 3 iha minutu 18, golu refere dudu Ponta Leste iha fatin seguru.
Jogadór Kamizola 10 Ultramar nian hetan satan hosi ponta Leste no hamonu iha besik area tékniku parte Ponta Leste, árbitru konsege fó sutu indireta no hasai kartaun ba jogadór kamizola João hosi Ponta Leste.
Ponta Leste kontinua hamosu golu datoluk liu hosi kolaborasaun jogadór klaran ne’ebé fanun atake hosi sentru sai to area risku, pasajen 1-1 hamosu duni golu simples iha minutu 30.
Kastigu kontinua la’o, Silveiru Garcia ho susesu ezekuta kastigu sutu penalidade iha minutu 43 hodi taka primeira parte 4-0. hafoin akontese dudu malu iha grande area Ultramar nian.
Tama fali parte daruak, Golu dalimak iha jogu ne’e nafatin mai hosi kastigu direct free kick (sutu penalidade), Jogadór Brazileiru Felipe Oliveira ho susesu ezekuta sutu hodi les rede AS Ponta Leste iha minutu 74, ho rezultadu ne’e ekipa rua mantein jogu no hasae ritmu kontra atake ambiente mantein to árbitru hu minutu ikus laiha tan golu adisionál. (Augusto).
About Post Author
