DTL – Treinadór AS Ponta Leste FC apresia nia ekipa, banhira halakon Atletiku Ultramar FC iha jogu ba jornada dahuluk iha grupu B ho skor 4-1, tan ne’e sai hanesan motivasaun ba sira hodi hakat tan ba oin iha Copa FFTL tinan ne’e.
Tuir treinadór AS Ponta Leste Eduardo Pereira hateten, bainhira manan Atletiku Ultramar ne’e la fasil, tanba ekipa ne’e mós existe kleur ona no preparadu, maibe depende ba iha jogu ida-idak nia ekipa.
“Bainhira ami manan Atletiku Ultramar ne’e sai motivasaun ida ba jogadór sira ba oin atu hadia di’ak liu taniha jogu tuir mai”. Hateten treinadór ne’e, iha konfrénsia imprensa iha Stadium Munisipal Dili, Sesta (21/08/2020).
Tanba ne’e nia afirma, iha jogu tuir mai iha grupu B, maske sira sei hasoru ekipa sira seluk hanesna AS Marka FC, Nagarjo FC no Fitun Estudante, maibé sira sei halo preparasaun di’ak liu tan hodi manan mós ekipa sira ne’e.
“Ita haree hanesan AS Marka FC no Nagarjo ne’e mós ekipa ida iha espítu makas atu manan mós ekipa sira seluk, tan ne’e mak ami nia ekipa mós tenki prepara di’ak liu tan hodi hasoru sira”. Hateten nia.
Nia esklarese, iha jogadór foun barak mak haforsa hela sira nia ekipa, maibe antes ne’e sira halo trai out dala barak ona ho ekipa sira seluk, tan ne’e to’o ohin iha kompetisaun ba copa ne’e hatudu duni rejultadu ho pontu 4-1.
“Iha jogadór nain hitu mak mai husi selesaun sub 19 mak haforsa tan ami nia ekipa”. Tenika nia.
Enkuantu, treinadór AS Ponta Leste ne’e mós preokupa, durante ne’e fasilidade atu fasilita sira hodi treinu sei menus, tanba ne’e iha tempu oin mai presiza prepara fasilidade ho di’ak, nune’e bele halo treinamentu jogadores ho di’ak .
“Durante ne’e ami halo treinamentu hadau malu hela iha kampu Demokrasia, tan ne’e sai difikuldade ba ami treinadór atu fó treinamentu ba jogadores sira ho di’ak”. Nia Preokupa.
Nia rekoñese, maske ho difikuldade hirak ne’e sira hasoru, maibénafatin esforsu atu fó treinamentu ba jogadores sira hodi partisipa iha kompetisaun copa tinan ne’e. (Vidal)
[anwpfl-matches-h2h club_a=”89″ club_b=”90″ competition_id=”987″ show_secondary=”0″ season_id=”” type=”” limit=”0″ sort_by_date=”desc” show_club_logos=”1″ show_match_datetime=”1″ date_before=””]
About Post Author
