Dili – Treinadór Kablaki FC rekoñese nia jogadór ezekuta jogu la tuir nia instrusaun nune’e halo ekipa S.L.B Laulara hatama golu iha jogu primeira parte.
Tuir treinadór, maski ekipa S.L.B manan, maibé iha golu dahuluk, liu husi penalidade no bola hatama rasik husi Kablaki.
“Jogadór sira mós falla tanba loron ida treinu loron ida lae,” haktuir João iha fatin konferénsia imprensa stadium Munísipal Dili-Kuarta (09/09/2020).
Bainhira iha jogu segundu parte nia jogadór ida hetan kartaun mean, nune’e sira menus jogadór nune’e ekipa S.L.B halo ataka maka’as nune’e hodi hatama tan golu.
Tanba ne’e, João mós deklara, sira foin promovidu husi terseira divizaun, tan ne’e hasoru ekipa primeira divizaun simu rejultadu sei ki’ik.
“Ha’u hanesan treinadór kuandu hare ekipa ida boot mak fó rejultadu hanesan ne’e, ne’e hanesan buat ida baibain, tuir loloos tenke liu”. Afirma nia.
Enkuantu, treinadór Kablaki FC ne’e mós promete, ba oin sira kontinua hadi’a, atu nune’e jogu tuir bele diak liu tan.
Nia mós otimista, nia ekipa hakarak tama iha 8 finais, tanba Kablaki mós hetan pontu tolu, tan ne’e nia garante nia jogadór mós hatudu jodu ho di’ak, banhira derota ho ekipa S.L.B ho skor 4-0. (Vidal).
About Post Author
