DILI – Hafoin derota 0-5 kontra Ad SLB iha taca 12 Novembro trenador Zebra fc Rogerio Mok hatete jogador Zebra FC lakon iha esperiénsia tanba jogadór sira foin mak hala’o jogu iha Tasa 12 refere.
“Hau hanesan treinadór ida tenki simu derota husi SLB tanba sira nia preparasaun di’ak liu kompara ho jogadór foun Zebra nian sedauk iha esperesnia joga iha liga” relata Rogerio ba jornalista iha estadiun munisipal Dili Kuarta (25/11).
Zebra FC mai kompete iha taca 12 Novembro atu koko jogador sira nia mentalidade hodi prepara di’ak liu fali ba jogu Liga Timorense iha tinan oin mai.
Nia hatutan jogadór antigu Zebra FC nia laiha ona iha tinan ida ne’e no ami hakarak halibur jogadór foin-sa’e rai na’in Munisípiu Baucau hodi promove Zebra ba Liga Timorense.
“Ami lakon ho SLB laos atu tristi maibé Zebra bele foti esperiénsia balun husi SLB atu hadi’a fallansu iha taca 12 Novembro hodi prepara jogadór foun sira iha futuru.
Ho rezultadu ne’e lori Ad SLB hakat ba oitavu finais hodi kontra Sporting klubu de Timor iha Domingu 29/11 16:00 OTL. (Eug).
About Post Author
