Dili – Boavista Fc de Timor hanesan ekipa primeira divizaun, aban sexta (27/11) sei hasoru ekipa segundu divizaun, Emmanuel Fc iha stadium Munisípal Dili, hodi deside destinu atu hakat ba faze kuatru finais ka lae.
Tanba ne’e tuir treinadór Boavista Fc de Timor, Miro Baldo Bento hateten maske nia ekipa hanesan primera divizaun, hasoru ekipa segundu divizaun, maibé nia nafatin respeitu nia adversáriu, tanba sira mós hatudu jogu ne’ebé di’ak.
“Ekipa Emmanuel, nia matéria jogadór la hanesan ho ida uluk ami hasoru sira, tanba agora hau haree iha labarik balu iha sub 16-19 ba haforsa tan sira nia ekipa, ne’ebé ba hau nafatin respeitu Emmanuel, tanba sira mós joga di’ak. Treinadór ne’e relata iha LFTL Xanana Sport Centre, Kinta (26/11).
Treinadór ne’e mós afirma, jogadór hotu joga kuaze hanesan, maibé tanba de’it iha balu oportunidade ba iha klubu seluk, hodi hetan treinamentu di’ak mak sira mós hatudu sira nia jogu.
Nia mós dehan, nia seidauk indentifika ekipa adversáriu nia fallansu no parte ruma maka’as, maibé tuir nia assistente treinadór hato’o ba nia katak, sira mós iha fallansu balun ke iha.
Nune’e mós treinadór ne’e esklarese, relasiona ho lista jogadór sei halo rotasaun ba jogadór sira.
“Problema uitoan tanba jogadór balun hetan kartaun, balun nia físiku menus, ne’ebé jogadór balun hetan ona kartaun atu hatun mós hau sei haree”.
Enkuantu tuir ne’e nia haree, jogu Kopa FFTL no Taxa 12 Novembru lahanesan, tanba kopa FFTL preparasaun di’ak liu duke Taxa 12 Novembru, maibé tuir nia estratéjia jogu la dook malu iha jogu nia laran. (Vidal).
About Post Author
