Dili-(Desportu XYZ) Akademica Fc okupa iha tabela klasifikasaun Provezorio liga Timorense epoka 2022-2023, hafoin halakon Aitana Fc ho eskor 3-0 iha jogu daruak ne’ebé mak realiza iha estadiun munisipal Dili kinta (02/03)
Jogu hahú ekipa Akademica Fc ne’ebé mak tun ho jogador estranjeiru na’in tolu, enkuantu Aitana Fc mai ho jogador estranjeiru na’in ida.
Maibé Aitana Fc fó uluk presaun bá Akademica Fc liu husi sota livre Jilson dos Reis iha liña penalidade kotuk,maibé konsege salva husi guarda rede Akademica Otilio Guterres.
ho ameasa ne’ebé mak Aitana Fc halo, Akademica fila responde liu husi sota livre dala rua no kantu dala 5, maibé bola hirak ne’e laiha ida mak kona albun, to’o primeira parte termina eskor mantein 0-0 bá ekipa rua.
Hakat bá segunda parte jogador estranjeiru Akademica Fc Damianus Putra ne’ebé mak hatudu nia jogu brilante hodi halo deveza Aitana Fc serbisu makas atu salva sira nia guarda rede.
Ho jogada ne’ebé mak jogador estranjeiru ne’e hatudu,ikus mai lori resultadu di’ak bá nia ekipa,hafoin nia halo asistensia bola rua bá jogador Juvenal Boavida ho Hilario Ximenis iha menutu 70 no 73 hodi lori Akademica Fc hasai eskor bá 2-0.
Eskor refere halo Aitana Fc nia ritmu jogu komesa tun, Akademica Fc iha anin leten hodi fora tan rede Aitana Fc iha menutu 79 liu husi Helder Xemenis hodi termina jogu vitória bá Akademica Fc ukun ho eskor 3-0.
Resultadu ne’e lori Akademica Fc okupa iha tabela klasifikasaun Provezorio liga Timorense ho Pontos 4 no Coracao Fc okupa segundu Klasifikasaun ho Pontos 4 deferenti golu, enkuantu Aitana Fc ho Pontos 3.
About Post Author
