Dili-(Desportu XYZ) Assalam Fc Lidera hikas Tabela klasifikasaun Provezorio liga Timorense epoka 2022-2023 hodi dudu ses Akademica Fc,hafoin halakon As Ponta Leste 2-0 iha jornada daruak ne’ebé mak hala’o iha estadiun munisipal Dili sesta (03/03)
Ekipa As Ponta Leste ne’ebé mak tun ho jogador lokál fó kedas ameasa bá Asslam Fc liu husi jogador númeru 10 Expeditu da Consencao,maibé guarda rede Assalam Fc Nathaniel Agbozo salva bola ho di’ak.
Ho ameasa ne’ebé mak Ponta Leste halo, Assalam Fc fila responde bola husi ain bá ain hodi fó presaun bá Ponta Leste liu husi kontra Ataka ho bola kantu dala ha’at no sira livre dala tolu,maibé seidauk lori resultadu di’ak bá Assalam tanba deveza Ponta Leste solidu tebes hodi salva sira nia rede.
Husi ameasa ne’ebé mak ekipa rua hatudu bá malu,seidauk iha lori sorte bá sira nia ekipa to’o premera parte termina eskor mantein 0-0.
Kontinua bá segunda parte,Ponta Leste tenta muda tatiku jogu,maibé Assalam Fc ne’ebé mak tun ho jogador estranjeiru domina liu bola hodi hamate Ponta Leste nia tatika jogu.
Dominasaun bola ne’ebé mak Assalam hatudu liu husi sira nia jogu bola a’as,ikus mai Lourensu Freitas hekis ona rede Ponta Leste iha menutu 47 hodi hatur eskor 1-0.
Eskor refere halo Assalam Fc hatudu jogu iha anin leten,enkuantu Ponta Leste nia jogu hamonu.
No iha menutu balun,jogador estranjeiru Assalam Adikah Godwen hetan kartaun mean no Ponta Leste mós hetan kartaun mean jogador meudu Joao Hale.
Assalam Fc ne’ebé mak lidera husi trenador Gaspar Amaral halo mudan bá nia jogador hodi hasai Lourensu Freitas,hatama fali Hasan Ramos atu ajuda iha liña avansadu.
Mudansa ne’ebé trenador ne’e halo,ikus mai Hasan Ramos fora duni rede Ponta Leste iha menutu 69 hodi lori Assalam lidera eskor 2-0 to’o jogu termina.
Resultadu ne’e lori Assalam Fc rekoila ona vitória dala rua ho 6,enkuantu As Pontos Leste jogu dala rua inpata ida derota ida ho Pontos 1.
About Post Author
