Dili-(Desportu XYZ) Klube premeru devizaun Liga Futebol Timor Leste (LFTL) Ad SLB Laulara ho naran Istimadu Makikit Halo Tresti Emmanuel Fc ho eskor 2-0 iha jornada daruak ne’ebé mak hala’o iha estadiun munisipal Dili sabadu (04/03)
Iha jogu refere jogador husi Ad SLB nain rua mak hanesan Gumario Moreira no Zenivio Mota hetan Kartaun mean.
Primeiru jogu hahú ekipa rua lansa kedas kontra ataka bá maluk liu husi teknik no tatika jogu tuir trenador sira nia kapasidade hodi lidera ekipa.
Jogu hahú furak tanba adpetos husi ekipa rua hakilar basa liman hodi fó apoiu bá jogador sira iha kampu matak estadiun hodi duni tuir mehi ne’ebé mak ekipa rua optimista.
Maibé iha menutu 23 jogador númeru 7 Zenivio Mota halis ona rede Emmanuel Fc,hafoin simu bola kruza husi Jeremias Batista hodi muda eskor bá 1-0.
Ho golu ne’ebé mak Zenivio Mota oferese bá Ad SLB,ikus mai jogador refere Arbitu duni sai husi Kampu laran tanba hetan kartaun kinur bá dala rua.
Kapitaun Mouzinho da lima ho nia kolega sira komesa monu iha ritmu jogu tanba Emmanuel Fc domina hikas bola hodi fó presaun bá area defensivu Ad SLB,maibé deveza Gumario Moreira,Bakayoka no Felipi Oliveira la fó oportunidade bá sira atu Doko rede to’o oras termina premera parte.
Kontinua bá segunda parte,ekipa Emmanuel Fc koko halo buat hotu atu fora rede Ad SLB,maibé lakonsege atinji buat ne’ebé mak trenador Emelio Rebeiru mehi.
Tama bá menutu 72 Jogador Mouzinho de Lima lori bola ho indevidu hodi fora rede Emmanuel Fc,ikus mai eskor Ad SlB aumenta bá 2-0.
Sorte a’at kontinua akontese bá Ad SLB iha menutu 85,tanba deveza Gumario Moreira hetan kartaun mean halo SLB Tresti, Emmanuel Fc kontenti hodi duni tuir eskor.
Maibé Ad SLB halo mudansa jogu hodi tahan sira nia jogador tun mai deveza to’o jogu termina Ad SLB ukun ho eskor 2-0.
Resultadu ne’e lori Ad SLB rekoila ona vitória dala ida no inpata ida,enkuantu Emmanuel Fc Rekoila vitória dala ida no Derota dala rua.
About Post Author
