Dili-(Desportu XYZ) Jogador Hasan Ramos ne’ebé mak tun iha segunda parte, konsege lori nia ekipa Assalam Fc Rekoila Pontos 3,hafoin halakon Emmanuel Fc ho eskor 1-0 iha liga Timorense epoka 2022-2023 Ne’ebé hala’o iha estadiun munisipal Dili tersa (21/02)
Jogu kompetitivu tebes bá ekipa rua,tanba ekipa Emmanuel Fc tun ho jogador maioria Selesaun nasionál Sub 19, enkuantu Assalam Fc responde ho jogador estranjeiru na’in tolu.
Ho forsa ne’ebé mak ekipa rua iha,halo eis trenador Lalenok United Gaspar Amaral muda tatika jogu Assalam Fc nian hodi uza bola a’as atu hamate ekipa Emmanuel Fc ne’ebé mak halimar bola badak ain bá ain to’o premera parte termina eskor mantein 0-0 bá ekipa rua.
Hakat bá segunda parte, trenador Assalam Fc Gaspar Amaral halo mudansa bá nia jogador hodi dada sai jogador Lourensu Freitas subtitui fali Hasam Ramos.
Ho mudansa jogu ne’e halo ekipa Assalam Fc fó presaun makas bá liña defeveza Emmanuel Fc,maibé liña defeza solidus tebes.
Iha menutu 73 jogador estranjeiru númeru kamizola 11 Daniel Appiah lansa bola kruza husi liman los halo guarda rede Emmanuel Fortunato Gomes labele salva bola kabesada husi Hasam Ramos hodi hatur eskor 1-0 to’o jogu termina.
Ho vitória ne’e lori Assalam Fc Rekoila Pontos 3, enkuantu Emmanuel Fc ho Pontos 0.
About Post Author
 Jogador Hasan Ramos ne'ebé mak tun iha segunda parte, konsege lori nia ekipa Assalam Fc Rekoila Pontos 3,hafoin halakon Emmanuel Fc ho eskor 1-0 iha liga Timorense epoka 2022-2023 Ne'ebé hala'o iha estadiun munisipal Dili tersa (21/02)){kind=link}