Dili-(Desportu XYZ) Trenador Ad SLB Laulara Juliao Monteiro seidauk garantia nia ekipa atu hetan vitória kontra Corasao Fc/Ultramar tanba ekipa Coracao hanesan ekipa ne’ebé forte iha Liga Timorense Epoka 2022-2023.
“Kona-ba garantia vitória ha’u seidauk bele hatene tanba ha’u nia hare ne’e ekipa Coracao perparasaun di’ak i depois hetan ona tres Pontos iha jogu dahuluk kontra Karketu Dili Fc”dehan trenador Ad SLB bá jornalista sira sala konferensia inprensa ne’ebé hala’o iha estadiun munisipal Dili tersa (21/02)
Tuir Juliao,problema ida bá Ad SLB nian mak perparasaun menimu tebes tanba liga mós lá’os urgenti de’it,entaun ami nia perparasaun ladún maximu.
Maibé ha’u fiar bá jogador sira sei hatudu jogu di’ak iha jogu aban.
“Kona-ba bá kontratu jogador estranjeiru,ami iha jogador estranjeiru na’in tolu iha pozisaun deveza ida,guarda rede ida no Avansadu ida,maibé aban ami sei hatun estranjeiru ida”
Fatin seluk, trenador Coracao Fc Januari Almeida aifrma,Ekipa Coracao perparadu ona atu kontra ekipa sigante Ad SLB iha jogu aban.
“Hanesan trenador garantia Sei hetan vitória daruak kontra Ad SLB tanba ami sei hatudu jogu ne’ebé mak antes ne’e hasoru Karketu Dili Fc”
Enkuantu,jogu entre ekipa Ad SLB Laulara kontra Coracao Fc sei hala’o iha loron 22 fulan Fevereiru tinan ne’e iha estadiun munisipal Dili kuarta semana ne’e Oras 16:00
About Post Author
