Dili-(Desportu XYZ) – Jogador José Pereira lori nia ekipa As Ponta Leste Fahe Pontos 2-2 kontra Akademica Fc iha jogu liga Timorense epoka 2022-2023 ne’ebé mak hala’o estadiun munisipal Dili domingu (19/02).
Iha jogu primeira parte ekipa sigante As Ponta Leste hurlele ona rede Akademica Fc liu husi sota falta husi jogado númeru kamizola 22 Revelino Martins iha menutu 12 hodi muda eskor bá 1-0.
Ekipa Akademica Fc ne’ebé mak sofre ona golu ida kontinua hatudu sira nia jogu liu husi tatika bola ain bá ain halo Ponta Leste tenki esforsu iha liña deveza atu salva sira nia rede.
Iha menutu 27 guarde rede Ponta Leste Albinu Ximenis tenki nakles liu husi jogador númeru kamizola 19 Juvinal Boavida hodi halo Akademica Fc inpata 1-1,hafoin simu asistensia bola husi nia kompaneru Hilario Ximenis.
Ho eskor refere halo ekipa rua hasai liu tan ritmu jogu,maibé Akademica Fc iha liu anin leten hodi halo Ponta Leste defesil ultrapasa bá liña deveza Akademica.
Domina bola ain bá ain,ikus mai jogador estranjeiru ho númeru kamizola 12 Damianus Putra halo golu ida bá rede Ponta Leste iha menutu 38 liu husi sota penalidade hodi hasai eskor bá 2-1 to’o oras normál termina.
Kontinua bá segunda parte,Ponta Leste halo mudansa bá jogu hodi hamate Akademica Fc nia jogu,maibé Akademica nafatin mantein ho sira nia ritmu jogu.
Ponta Leste ne’ebé halo tatika jogu ho bola a’as,ikus mai jogador José Pereira lori Ponta Leste halo eskor bá 2-2 iha menutu 61 hodi termina jogu ho eskor 2-2.
Ho resultadu ne’e lori ekipa rua tenki fahe Pontos 1-1.
Liga Timorense Divizaun I 2022/2023
About Post Author
