Dili- Ekipa DIT Fc derota tan ba dala hat kontra Karketu Dili Fc iha stadium Munisipal Dili (04/12) o skor mihis 0-1 iha jogu jonada dahat Liga Futeból Timor Leste (LFTL) primeira divizaun époka ne’e.
Tuir treinadór DIT Fc Francisco Gama hateten iha konfrénsia imprensa katak nia hanesan treinadór foun labele muda buat hotu husi jogu kontra Karketu, tanba derota ne’e mós kauza husi derota dala tolu husi jogu sira liu ba.
“Ohin hanesan treinadór foun treina loron rua hau labbele muda buat hotu, tanba kauza husi jogu tolu liu ba lakon sofre golu 8 fó presaun psikolojika ida toda baa mi, no ami foin tenta atu muda situasaun ne’e hodi kria situasaun oportunidade barak, maibé situasaun oin seluk”. Hateten treinadór ne’e.
Treinadór ne’e dehan, nia tenta orienta jogadór sira hodi hetan oportunidade barak iha liña oin, maibé jogadór sira falla atu finaliza golu.
Francisco Gama lori ekipa DIT Fc nia jogu ritmu lahanesan jogu sira liu ba no halo Karketu Dili Fc tenki defisíl kaer bola.
Depois DIT Fc derota dala toku, manajen bolu fila hau mai atu halo buat ruma maibé situasaun oin seluk.
Treinadór ne’e dehan, sira hela jogu rua no hela jogu pontu positivu ida, no nia sei mantein estratejia ne’ebé iha hodi hetan rejultadu di’ak.
Iha fatin hanesan treinadór Karketu Dili Fc, António Timoteo hateten, jogu ohin ne’e sira la falla, maibe tempu mak defisil atu sira hetan ritmu jogu ho di’ak atu produs golu ho lais.
Treinadór ne’e rekoñese, sira mós iha fallansu iha parte klaran, tanba sira nia jogadór ida hetan kartaun mean iha jogu kontra Assalam Fc.
About Post Author
