DILI-maske falta jogador inportante nain 7 ne’ebé mak haforsa hela selesaun nasional Timor Leste iha Singapura,maibé trenador Ad SLB Laulara Efren Jeronimu senti kontenti nia ekipa bele inpata 0-0 kontra Aitana fc iha jogu jornada da ruak Liga Fútebol Timor Leste (LFTL)
“hau senti kontenti tebes tanbá jogador inportante nain 7 iha hela rai liur,maibé ho deit jogador supleinte sira ami esforsu bele fahe pontos hanesan ho Aitana”dehan Efren ba jornalista iha estadiun munisipal Dili sabadu (20/11)
Konaba Ad SLB nia failansu,ami faila iha finisin no jogador sira lakoi uza opurtunida ne’ebé ke diak hodi hetan golu.
Tanbá ne’e hau promote sei hadia failansu barak ne’ebé mak akontese iha jogu ohin no ba oin ami sei perpara diak liu tan hodi hetan pontos tolu iha jogu tuir mai.
Sorin seluk trenador Aitana Fc Octavio Arauju informa,jogu ida ohin ne’e jogu diak tebes ba ekipa rua bele fahe pontos hanesan,maibé Aitana sei perzisa hadia nafatin failansu ne’ebé iha.
“failansu Aitana nia atu hadia mak iha parte meu kampu,tanbá avansadu bele diak to’o ne’ebé deit kuandu laiha jogador meu kampu diak atu soe bola susar ba avansadu atu hetan bola”
Nia haktuir,ita hare jogu ne’e tempu sei naruk ne’ebé ami sei hadi meu kampu Aitana nian hodi perpara ba jogu tuir mai kontra Lalenok United.
About Post Author
