Dili-Iha jogu jornada daruak nian vitória ba AS Ponta Leste halakon DIT Fc ho skor mihis 1-0 hodi hatur iha tabela klasifikasaun Liga Futeból Timor Leste (LFTL) ba primeira divizaun 2021 ho pontus 3.
Iha konfrénsia imprensa, treinadór As Ponta Leste Francisco de Araújo afirma, apresia ho vitória ne’ebé nia ekipa hetan, maibé ba oin sei presiza hadia di’ak liu tan parte balun.
“Ohin ami tenta atu ultrapasa dezafiu husi ekipa adversáriu nian, to’o konsege hetan golu ida de’it iha jogu refere”. Dehan treinadór ne’e iha stadium Munisipal Dili, Sexta (19/11).
Treinadór ne’e dahan, ohin sira dumina bola, maibé menus iha finalidade sutu bola.
Nune’e mós ba treinadór ekipa DIT Fc Alexandre Cham rekoñese, simu derota husi nia adversáriu, tanba natireza jogu ida manan no ida tenki lakon, tanba ne’e ba oin sei hadia hodi hasoru jogu tuir mai.
Treinadór DIT ne’e mós promete, sei hadia performe jogadór sira nian, nune’e mós jogadór estranjeiru na’in rua ne’ebé haforsa hela ekipa DIT Fc.
Hau sei hadia no prepara sira di’ak liu tan, ne’ebé jogadór estranjeiru na’in rua ne’e la espera katak sira nia performe ohin joga ladun hatudu kualidade ho di’ak.
Nia mós informa, jogu ohin sira nia liña klaran no defeza falla. No sira defisíl atu joga muda ba oin. Joga ohin ne’e liña defeza tabele liu, nune’e ema halo kontra atake hodi hatama golu iha minutu ikus primeira parte nian.
About Post Author
