Dili-Karketu Dili Fc provizoriumente lidera iha tabela klasifikasaun ho pontus 6 iha Liga Futeból Timor Leste (LFTL) primeira divizaun iha jornada daruak hafoin halakon Assalam.
Jogu entre ekipa rua iha stadium Munisipal Dili, Domingu (21/11) lorokraik, foin jogu primeira parte hahú ekipa rua hatudu tátiku no ritmu jogu hanesan liu husi bola pasagem husi ain ba ain hodi halo kontra atake ba malu.
Maibé Assalam Fc hahú lansa ameasa sutu dala dala ida ba rede Karketu Dili Fc nian liu husi avansadu Bonarudim Amin (17).
Jogu entre ekipa rua halo manas liu tan, hodi halo adeptus ida-idak haklalak ba nia ekipa favóritu.
Karketu Dili Fc mós lansa sutu bola dala rua ba rede Assalam Fc nian, maibé la kona iha alvu Assalam Fc nian tanba hetan salva husi baliza.
Ekipa rua nafatin halo kontra atake ba malu, maibé la lori rejultadu golu ruma tanba ekipa ida-idak mantein nia liña metin atu salva golu.
Nune’e to’o jogu primeira parte deskansa ekipa rua mantein ho skor 0-0.
Hafoin hakat ba jogu segunda parte, ekipa rua nafatin halo kontra atake ba malu hodi tenta atu fura rede maibé la iha rejultadu ruma.
Assalam Fc iha oportunidade lubuk atu produs golu, maibé parte liña avansadu sira la aproveita bola atu hatama golu ruma tanba falta kontrola bola atu hatama, nune’e bola liu de’it husi baliza liur.
Karketu Dili Fc nafatin hatudu sira nia jogu ho kalma hodi kontrola bola husi liña ba liña hodi tenta atu liu defeza Assalam Fc nian, maibé la bele liu tanba Assalam Fc nia defeza moru metin.
Hafoin iha minutu 51 Karketu Dili Fc muda skor 1-0 ba Assalam Fc liu husi jogadór Patrick da Silva (99) bainhira simu bola asisténsia husi Gelvanio Alberto (10).
Maske ekipa Assalam sofre golu ho skor 0-1, maibé jogadór Assalam nafatin hatudu sira nia jogu di’ak tebes iha loraik kmanek ne’e, tanba halo pasagem bola husi ain ba ain no tenta lansa bola tama area Karketu Dili Fc nia baliza oin, maibé sorte la iha ba avansadu sira atu produz golu. Tanba ne’e to’o jogu segunda parte remata, Assalam Fc hela ho skor 0-1 ba Karketu Dili Fc.
About Post Author
 lorokraik, foin jogu primeira parte hahú ekipa rua hatudu tátiku no ritmu jogu hanesan liu husi bola pasagem husi ain ba ain hodi halo kontra atake ba malu.){kind=link}