DILI-Klube Futeból Institutu Teknolojia Dili (DIT) ho susesu rekoilla pontu tolu iha jogu datoluk enkuantu jogu ikus nian sei hasoru ekipa jigante klube Lalenok United iha 1 de outubtru.
DIT FC rekolla ona pontu 6, hafoin halakon ekipa adversáriu Zebra ho skor 4-0, iha jogu datoluk, iha grupu A, ba kopa FFTL tinan 2020, atu hakat ba oitavu final, DIT obrigatóriu tenke ra’ut tan pontu tolu.
Tuir treinadór DIT Mial Baliebata Armand katak, nia agradese ho rezultadu ne’ebé sira hetan entre ekipa adversáriu, maibé rejultadu golu mak la tuir nia alvu.
“Hau nia alvu golu ne’e tenke to’o golu 7-0 hanesan ne’e, maibé ida ne’e mak jogadór sira hetan golu ohin,” deklara treinadór ne’e iha fatin konferénsia imprensa estadiu Munisipál Dili-Domingu (20/09/2020).
Treinadór ne’e subliña tan, ho rezultadu ne’ebé sira hetan hanesan oportunidade hodi hakat tan ba oin.
“Ba oin ami sei hasoru Lalenok FC, tan ne’e ami sei fokus ba tátiku jogu, tanba ami sei iha oportunidade ba jogu”. Deklara treinadór ne’e.
Tanba ne’e treinadór ne’e afirma, bainhira joga kontra Lalenok, jogadór sira nafatin halo komunikasaun ba malu, nune’e hodi mantein ritmu jogu, hodi aproveita fallansu balun ne’ebé ekipa adversáriu halo bele produs golu.
“Ba ha’u, hasoru Lalenok tarjetu hakarak manan”. Nia promete.
Enkuantu jogadór Zovanio Martins, hanesan mós markadór golu kontra ekipa Zebra ne’e reforsa, nia parte kontente ho rejultadu refere, tanba bele rekolla fila fali pontu tolu.
“Hau orgullu rejultadu ohin, maibé ami sei hela jogu ida kontra Lalenok”. Dehan Nia.
Mellor markadór ne’e dehan tan, hanesan jogadór sei mantein ritmu jogu ne’e ba oin, maibé
“Jogu ikus mak sei termina ami nia destinu hakat ba faze 8 finais”. Hakotu nia.
Ekipa DIT daudaun ne’e tama iha lista klasifikasaun provizoriu ho pontu 6, hanesan ho Assalam ho pontu 6, maske Lalenok hetan pontu 9 iha grupu A. (Vidal).
About Post Author
