DILI – Ekipa antigu, klube futeból Zebra hosi munisípiu Baucau derrota iha jogu terseru kontra DIT FC 4-0 iha grupu A Kopa FFTL tanba jogadór viazen dook husi munisípiu labele hatudu stamina iha kampu laran.
Tuir kapitaun Zebra FC, Ato Bareto hatete sira rekoñese ekipa DIT FC jogu hala’o jogu di’ak tebes kompara ho Zebra ne’ebé mak hatudu jogu tuir kapasidade ekipa nian.
“Ekipa Zebra ohin lakon ho eskor 4-0 kontra DIT, tanba jogadór kolen hafoin hala’o viajen” deklara Ato ba jornalista iha estádiu munisipál Dili domingu (20/09).
Nia hatutan ekipa Zebra sei hasoru hela problema internál, maibé jogadór sira sempre hatudu nafatin espíritu jogu iha kopa FFTL tinan ne’e.
Hanesan kapitaun ekipa Zebra la triste ho derota iha Copa FFTL maske la hetan fatin atu hakat ba oin,maibè ami nafatin perpara trenu makas atu hein jogu tuir mai.
“Iha jogu ikus Zebra FC Sei hakas an nafatin atu hetan vitória kontra Santa Cruz, tanbà iha grupu A Kopa FFTL ami la koi fila ho liman mamuk,” deklara kapitaun ne’e. (Eugenio)
About Post Author
