Desportu.Xyz- Ekipa As Marca provizoriumente lidera tabele klasifikasaun Liga Futebol Timor Leste (LFTL) iha kompetisaun 2º Divizaun, époka 2022-2023, ho pontu 6, hafoin halakon nia adversáriu Kablaki Fc ho skor 2-1 iha jogu jornada daruak, Tersa (07/03) ne’e iha estádiu Munisipal Dili.
Iha jogu primeira parte hahú, ekipa As Marca hatudu sira nia tatiku jogu, liu husi bola ain ba ain, maibé Kablaki Fc, responde ho bola as hodi halo kontra atake ba malu.
Maske nune’e, ekipa rua la iha bola ameasa ba malu tanba ekipa ida-idak sei mantein liña defeza ho di’ak.
Hafoin iha minutu “15” ekipa As Marca konsege muda rezultadu eskor ba 1-0, liu husi jogadór Carol Nascimento (21), bainhira simu bola assistensia husi jogador Izaquel Monis (96) husi liña karuk.
Golu refere halo Kablaki Fc tenta esforsu atu bele muda eskor hanesan, maibé esforsu ne’e la bele hakat liu liña defeza As Marca nian.
Jogu entre ekipa rua ho intensidade sa’e maka’as, tanba ekipa Kablaki tenta atu muda eskor, maibé As Marca hakarak aumenta golu, hodi halo adeptu ida-idak haklalak no anima tebes iha tribun estadium nian.
Maske nune’e, to’o jogu primeira parte deskansa, As Marca mantein lidera 1-0 ba Kablaki Fc.
Hakat ba jogu segundu parte, ekipa rua hahú muda sira nia jogu husi liña ba liña, no subtitui mós jogador balun atu iha mudansa jogu ho di’ak.
Enkuantu Kablaki hanesan ekipa ne’ebé sofre hela ba golu, tanba ne’e tenke halo presaun maka’as ba nia adversáriu, maibé lá iha dalan ba sira atu hakat liu liña defeza.
Sorte di’ak monu ba Kablaki, liu husi bola penalidade, ne’ebé ezekuta husi jogador Juvito Nascimento (9), maibe lá konsege suta golu, basa bola semo as liu rin baliza As Marca nian.
Enkuantu As Marca mós nafatin tenta atu aumenta liu tan golu, maibé la iha oportunidade di’ak ba sira atu lansa bola rede Kablaki nian.
Nune’e hakat ba iha minutu “73” sorte di’ak ba Kablaki Fc hodi les hikas guarda rede As Marca nian, ho skor 1-1, liu husi jogador Alito da Cruz (22) hafoin aproveita bola barullu iha baliza As Marca nian.
Golu ne’e lá dura kleur, tanba liu de’it iha minutu “77”, ekipa Kablaki nia liña defeza hamonu jogador liña avansadu As Marca nian, iha liña 16 laran hodi hakat ba sutu penalidades, liu husi jogador Octavianos Consalves (24) hodi muda eskor ba 2-1.
Golu ne’e sofre tebes ba Kablaki, tanba hakarak halo impata iha minutu ikus ne’e, hodi halo intensidade jogu manas liu tan, tanba halo presaun maka’as ba nia adversáriu.
Maske nune’e, As Marca nia liña defeza mantein metin atu salva sira nia ekipa husi golu.Tanba ne’e to’o jogu segundu parte remata, vitória ba Às Marca lidera eskor 2-1.
Nune’e treinadór Kablaki Fc, Carlos Vilar afirma, nia ekipa derrota ho As Marca ne’e normal, tanba iha jogu ida sempre lakon no manan.
“Iha jogu primeira parte, jogu la’o ladun di’ak, maibé hafoin hakat ba segundu parte, ami fó motivasaun ba ha’u nia ekipa, sira konsege muda jogu, tanba ne’e maske ami lakon suta bola penalidades, maibé ne’e futebol sempre hanesan ne’e”. Dehan treinadór ne’e.
Nia refosa, maske derrota, maibé ba oin sei hadi’a fallansu hirak ne’ebé nia ekipa infrenta.
Entretantu, treinadór As Marca, Octávio Alves sente apresia tanba bele rekolla tan pontu 3 iha jogu jornada daruak ne’e.
Jogu ohin ne’e hanesan final ba ami, tanba ne’e ohin ha’u dehan ba ha’u nia jogador sira katak, tenki joga ho di’ak, no ami konsege hetan duni vitória ida ne’e.
Treinadór ne’e mós promete, ba oin sei halo preparasaun di’ak liu tan hodi hasoru ekipa tuir mai.
About Post Author
 iha kompetisaun 2º Divizaun, époka 2022-2023, ho pontu 6, hafoin halakon nia adversáriu Kablaki Fc ho skor 2-1 iha jogu jornada daruak, Tersa (07/03) ne’e iha estádiu Munisipal Dili.){kind=link}