DILI-Tuir Estatístika ne’ebé deportu.xyz rekoilla hatudu katak akadémika mezmu derrota maibé akadémika domina ball position iha jogu datoluk iha kopa no dahuluk iha Grupu C hasoru karketu Dili.
Karketu Dili hatudu domina de’it bola iha inísiu minutu 5 hodi kontrola bola no halo atake, tuir mai Akadémika la nonook hodi dixiplina no lansa kontra atake to ekipa rua termina primeira parte ho rezultadu 0-0.
Tama segunda parte, ekipa rua kontinua fahe malu tempu hodi kontrola bola no jogu la’o iha tensaun nia laran, esforsu penetrasaun ba grande area hamosu fouls no kastigu árbitru dirijente Jaime Govalves derrije sutu indireta ho distánsia metru sia hosi risku 16.
Iha minutu 53, Aproveita bola barullu iha grande area laran, Osvaldo ne’ebé ladún hetan seguransa metin hosi Akadémika ho susesu konverte bola barullu nian tama rede no loke golu dahuluk iha jogu ne’e.
Golu daruak Karketu Dili FC mosu hosi kontra atake iha tempu rohan jogu nian, nu’udar mós momentu liberta an presaun forte hosi akadémika, aproveita liña kotuk longra, Gelvanio ho velosidade lais dudu bola sa’e no la xave metin ikus mai konverte bola ba golu daruak nian to jogu termina vitória pertense ba Karketu Dili.
Tuir mai haree mós estatístika ne’ebé desportu.xyz foti iha kampu durante jogu.
About Post Author
