(DTL 22/8/2020) – Kapitaun Karketu Jorge Sabas hatete antes atu halakon Akademia 0-2 jogador sira senti todan tebes tanbà Karketu ida agora ne’e la hanesan ho ida uluk.
Fo hanoin katak Karketu ho naran istimadu Matak Malirin compete ona ho Akademia dala 8 iha Liga Futebol Amadora ne’ebè mak ona ba Liga Futebol Timor Leste LFTL.
Iha tinan ne’e Karketu konsege hamutuk ho Akademia iha grupu C copa FFTL no konsege halakon tan Akademi 2-0.
Kompete dala 8 ne’e halo Karketu hetan vitoria dala 6,derota dala rua kontra Akademia.
“Ami senti joga ida ohin kontra Akademia ne’e todan tebes ba jogador sira tanbà Karketu ida agora ne’e la hanesan uluk ho jogador senior sira ne’ebè mak balun sai ba klubu seluk” afirma Jorge Sabas ba jornalista iha estadion munisipal dili sabadu (22/8/2020).
Nia afirma laos Karketu deit mak senti todan maibè ekipa hotu hotu senti todan tanbà problema situasaun covid 19 halo ekipa barak mak laiha perparasaun diak.
Hanesan kapitaun ba ekipa Karketu rekonese jogu ida ohin ne’e failansu barak hodi la resulta golu iha premera parte tanbà jogador maioria junior deit halo ami lakom komunikasaun ba malu iha ekipa nia laran.
Kapitaun Matak Malirin haktuir jogu ida kontra academia ne’e hanesan lisaun ida mai ami Karketu atu hadia failansu sira ne’a atu nune’e jogu tuir mai Karketu sei hatudu jogu diak.
Iha grupu C Karketu sei kontra Aitana Fc,Portu Taibesi,no Sporting de Timor.iha jogu Aban Boavista de Timor sei kontra Ad SLB iha Estadion Munisipal Dili Oras 4:00. (Eugenio)
About Post Author
