Dili-AD-SLB Laulara susesu hakat ba faze finais, hafoin halakon nia adversáriu DIT ho scor 3-1.
Iha jogu finál, AD-SLB Laulara sei kontra Lalenok United, iha stadium Munisípal Dili (12/12).
Tuir treinadór AD-SLB Laulara, Kim Shin Hwan hateten, jogu kontra DIT ne’e kompetitivu tebes, ne’ebé hanesan treinadór nia haree ne’e mentalidade jogadór mós di’ak, nune’e bele manan.
“Tékniku hau hanoin ekipa sira nian di’ak, no mentalidade jogadór mós di’ak, tanba ne’e mak bele manan, ne’ebé obrigadu barak ba jogadór sira hotu, tanba ohin hatudu sira nia jogu, ne’ebé ba hau ne’e di’ak tebes,”
Hateten treinadór ne’e iha stadium Munisípal Dili-Domingu (06/12/2020).
Nune’e mós treinadór ne’e afirma, ba finál nia hakarak manan para bele sai kampiaun iha jogu taxa 12 Novembru tinan ne’e.
“Hau hanoin bele, tanba jogadór sira iha mentalidade di’ak, ne’e bele sai kampeaun”. Nia dehan.
Enkuantu relasiona ho jogu finál kontra Lalenok United Fc, treinadór ne’e konsidera, nia ekipa la iha problema, tanba sira nafatin halo preparasaun ne’ebé di’ak, nune’e bele hetan vitória.
Treinadór ne’e hato’o mós kona-ba Mouzinho de Lima, nia kondisaun saúde di’ak uitoan de’it, tanba ne’e nia labele joga iha minutu 90 to’o remata.
“Maibé nia kuandu joga ne’e ami forsa tebes”. Nia hateten. (Vidal)
Treinadór DIT FC 
Selebrasaun Golu husi jogador AD SLB Laulara 
Selebrasaun Golu husi jogador AD SLB Laulara 
Treinadór AD-SLB Laulara, Kim Shin Hwan
About Post Author
