DILI – Treinadór DIT FC Mial Armand hatete simu ho rezultadu 1-3 kontra Ad SLB Laulara maibe la simu ho arbitru nia desizaun halis liu ba ekipa ida.
Tuir Treinadór ne’e katak ekipa DIT hetan derota ho SLB hanesan materia ida hodi prepara fali jogador sira ho diak atu joga iha Liga Futebol Timorense tinan oin.
“Hau hanesan treinadór simu ho rezultadu husi Ad SLB maibe la satisfas ho arbitru ne’ebé mak lidera jogu halis liu ba ekipa seluk” relata Mial ba jornalista iha estadiun munisipal Dili Domingu (06/12)
Ita hare arbitru nia desizaun ne’e la klaru ba hau hanesan treinadór tanba defeza Ad SLB Filipe Oliveira saltu hasoru jogador DIT laiha kartaun maibe husi DIT nian mak halo falta tenki foti kartaun.
Arbitru ne’ebe mak lidera jogu tenki imparsial ba ekipa rua atu nune’e treinadór no adeptos hotu kontenti ho rezultadu, dehan Mial.
Treinadór DIT haktuir ami hetan derota tanba fallansu husi pozisaun iha liña area defeza no liña klaran halo SLB aproveita bola hodi rezulta golu rua tui-tuir malu.
“Ami sei prepara fali ekipa DIT ba jogu Liga Futebol Timorense no DIT buka fali avansadu balun tanba sei menus hela iha liña avansadu”
Nia husu deskulpa ba adeptos ekipa DIT nia hotu atu labele lakon imi nia vontade maibe apoiu nafatin DIT ba iha jogu tinan oin mai. (Eug)
About Post Author
