DILI- Ekipa UNITAL hader hikas iha jogu kontinuasaun jornada segundu Liga Timorense de Fútebol Femenino, hafoin halakon nia adervasariu Sao Jose 3-1 iha kampu Demokrasia Dili Sesta, (17/09).
Observasaun jogu hahu, ekipa Sao Jose mai ho ambisaun bo’ot hakarak hatun nia adversariu UNITAL hodi hadau pontos atu asegura tabela klasifikasaun, maibé mehi ne’ebé mak sira iha monu ho sira nia performa jogu.
Iha ne’ebé ekipa Unital mai ho performe jogu brillante hodi doko ona rede Sao Jose nian ne’ebé mak komanda husi guarda rede Ligia Moniz iha minutu 23 liu husi jogador Bendita de Jesus hodi hatur eskor ba 1-0.
Ho reiultadu ne’e la hamate esperitu jogu ekipa Sao Jose nian, hafoin defeza Unital Mariana Freitas komete nia euru iha lina penalidade laran halo arbitu foti dezisaun hodi ba suta penalidade.
Jogador Octaviana Soares ne’ebé mak sai hanesan ezekutador susesu hala’o nia kna’ar ho diak hodi halis guarda rede Unital Efiania Oliveira hodi hatur skor sai 1-1 to’o jogu termina primeira parte.
Kontinua ba segundu parte, ekipa Sao Jose hahu halo mudansa jogu atu sobu lina defeza Unital, maibé lina defeza Unital solidu tebes hodi la fo oportunidade ba nia adversariu atu fura sira nia rede.
Iha minutu 60 rede Sao Jose tenki nakles husi jogador Guilermina da Cunha hodi hasae eskor ba 2-1 halo jogador Sao Jose nia ritmu jogu hahu monu.
Sao Jose fila atu responde golu ba rede Unital liu husi jogador Octaviana Monis, maibé bola ne’ebé mak nia suta mesak iha oin ho guarda rede Efiania sei ses husi besi rin.
Ekipa Unital fila halo rede Sao Jose tenki sofre ba dala tolu iha minutu 77 liu husi Jogador Marta Martins hodi amenta ba skor ba 3-1 hodi termina jogu vitoria ba Unital.
Rezultadu ne’e lori ekipa Unital rekolla pontos tolu (3) husi jogu rua derota dala ida vitoria dala ida, enkuantu Sao Jose ho pontus zero husi jogu dala rua.
About Post Author
