DILI- Ekipa Ass Baucau konsege fera rede Unital ho eskor 6-0 iha jogu kontinuasaun ba segundu devizaun Liga Futebol Feto tinan 2021 iha estadiun Munisipal Dili Sesta (20/08).
Jogu primeira parte ekipa UNITAL tun ho uniforme kamizola matak enkuantu ekipa Ass Baucau tun kamizola mean.
Ass Baucau tun halo kedas kontra ataka ba area perigu Unital nia hodi halo suta ameasa fila-fila ba sira nia guarda rede ne’ebé lidera husi Efenia de Oliveira konsege hatudu nia performe brilante hodi salva bola hirak ne’e.
Jogu la hein kleur Ass Baucau halo tarutu ona rede Unital liu husi jogador numeru kamizola 17 Izabelita da Silva iha menutu 16 hodi muda eskor ba 1-0.
Ho golu ne’e halo Unital esforsu aan liu tan hakarak sobu lina defeza kotuk, maibé kapitaun Ass Baucau ho numeru kamizola 8 Amasia Antonia ne’ebé mak hamrik iha lina defeza klaran la fo fatin fura sira nia rede.
Minutu kontinua sai ba 33 Ass Baucau fila halo kontra ataka fila fali ba Unital halo lina kotuk Unital labele kaer metin avansadu Joana Selvia ho numeru kamizola 10 hodi doko rede Unital ba 2-0 to jogu primeira parte remata.
Jogu fila hikas ba segundu parte, ekipa Unital koko halo mundansa iha lina avansadu hodi troka jogador, maibé situasaun ne’e labele muda hodi halo Ass Baucau fura tan golu da tolu husi jogador Elviana sarmentu iha minutu 49 hodi hasai eskor ba 3-0.
Eskor kontinua amenta difisil liu tan ba Unital atu kontrola bola husi sira nia ain, tanbá jogador Ass Baucau tun ho fiziku, enkuantu Unital lakon iha fiziku.
Ekipa Unital estamina monu, jogador nain tolu husi Ass Baucau hanesan, Elviana Sarmentu 59, Izabelita da Silva 76 no menutu 80 hodi hakerek iha kuadru eskor 6-0 to’o jogu termina.
Rezultadu ne’e lori Ass Baucau ba tur iha pozisaun segundu ho pontos tolu hanesan mos VDL, enkuantu Unital ho Maudoko iha pozisaun ikus liu ho pontos 0.
About Post Author
