Dili – Kompetisaun jogu liga feto tama ona iha jornada 5, entre ekipa UNITAL FC hasoru ekipa São José ekipa rua fahe pontu 3 tanba rezultadu jogu ikus empate 2-2.
Jogu ne’ebé hala’o iha Kampu futeból Demokrasia, Domingo (06/09), Iha jogu ba primeira parte, jogu foin hahú liu de’it minutu 4, ekipa São José, nia jogadór ho naran Adriana Amaral, ne’ebé uza kamizola númeru 7 fura rede UNITAL nian hodi muda scor 1-0.
Tan ne’e, scor refere halo ekipa Unital, esforsu an atu hatama golu, maibé ekipa São José la fó fatin, tanba sira taka metin liu husi liña klaran no defeza metin.
Maski nune’e ekipa rua joga, la fó presaun ba malu, tanba ekipa rua is kuaze hanesan halo bola duir de’it iha liña klaran.
Maibé, depois de liu tan minutu 36, ekipa São José nia jogadór ho naran Maria Monis, ne’ebé uza kamizola númeru 9, bainhira hetan bola kruza husi nia belun iha liña klaran, liman loos, nune’e hodi muda scor 2-0.
Score refere halo ekipa UNITAL troka nia jogadór sira, nune’e liu de’it minutu 39, defeza São José nian halo bola falta, tan ne’e mosu kedas penalidade, hodi fó biban ekipa UNITAL fera golu liu husi shoot husi jogadór ho naran Ester Ribeiro ne’ebé uza númeru 7 hodi muda score 2-1, to’o jogu primera parte remata.
Depois de segundu parte, ekipa rua ataka malu nafatin, maibé la muda golu ruma. Jogu kontinua lao, ekipa São José nian halo ataka ba ekipa UNITAL, maibé la hatama golu tanba tenta husi defeza UNITAL nian.
Maibé liu fali minutu, 59 jogadór UNITAL nian númeru 7 ne’e, hatama tan golu liu husi bola hadau malu iha baliza oin, nune’e baliza São José nian la konsege salva bola, hodi muda score 2-2 entre ekipa rua.
Score refere, halo ekipa rua halo ataka maka’as ba malu, maibé la fó golu ba malu, tanba sira nia liña defeza mantein metin to’o jogu segundu parte termina. (vidal).
About Post Author
