DILI – Hafoin hetan vitoria 4-0 ho S’Amuser, Ad SLB iha ambisaun bo’ot hakarak foti taca Rosa Mukit Bonaparte tinan 2020 iha sira nia liman tanba Buibere hanesan ekipa babain.
Tuir treinadór ekipa Femenina Ad SLB Silvano Pementel de Arauju hatete rezultadu 4-0 ho S’Amuser ami la espera atu manan tanba preparasaun SLB nian ba jogu Rosa Mukit Bonaparte loron rua deit.
“Ho rezultadu ne’e halo SLB iha ambisaun ba jogu final ho Buibere, SLB sei foti taca Rosa Mukit Bonaparte tinan ne’e” promote Silvano ba jornalista iha estadiun munisipal Dili sesta (18/12).
Nia hatutan ekipa femenina SLB foin lalais halo fallansu bo’ot iha Liga Feto Timor-Leste hodi okupa deit iha tabela klasifikasaun kuartu.
Rezultadu la diak iha Liga, SLB koko atu hadia diak liu tan hodi kontra Buibere iha jogu final taca Rosa Mukit Bonaparte atu nune’e SLB bele halakon Buibere.
Keta haluha jogu final taca Rosa Mukit Bonaparte entre Buibere kontra Ad SLB sei halao iha estadiun munisipal Dili domingu (20/12) Ors 16:00. (Eug)
About Post Author
