Dili-Kompetisaun jogu femenina liga Timorense ba ekipa primeira divizaun iha époka tinan ne’e, iha jogu loron daruak, AD SLB Laulara kontra Maranatha Fc, obrigadu ekipa rua tenki fahe pontus hanesan ho rejultadu 1-1.
Tanba ne’e, treinadór AD SLB Laulara João Manuel da Silva informa, tuir loloos sira nia ekipa mak rekolla vitória iha jogu refere.
Maibé rejultadu ikus tenki hatur ho impata, tanba tuir nia katak nia jogadór sira lakon konsentrasaun atu remata golu ba ekipa adevesáriu nia guarda rede.
“Ohin ne’e hau haree ami nia sistema do jogu la’o, maibé jogadór liña avansdu sira atu remata bola mak defisíl, tanba jogadór sira lakon konsentrasaun hodi lakon bola tolu iha rede oin”. Hateten treinadór ne’e hafoin jogu remata iha Stadiun Munisípal Dili, Domingu (22/08).
Ho nune’e, iha jogu termina entre ekipa rua, rejultadu hatur ho skor 1-1.
Treinadór ne’e mós rekoñese, rejultadu golu ba sira nia ekipa ne’e tanba fallansu husi guarda rede, no parte defeza, nune’e halo ema hatama uluk golu iha jogu primeira parte.
Nia mós hatutan, iha jogu primeira parte nia jogadór sira nia mentalidade menus, nune’e hodi halo jogu ne’e ladun efetivu.
Ba ha’u, iha jogu ne’ebé de’it ne’e sempre akontese, ne’ebé ida ne’e hau sente normal ba jogadór hotu-hotu.
Entretantu treinadór Maranatha Fc Januario de Almeida mós rekoñese, SLB hanesan ekipa ne’ebé forte, no preparadu, maibe sira nia ekipa mós hatudu jogu di’ak tebes.
Enkuantu iha jogu primeira parte, Maranatha lidera uluk golu, maibé depois de iha jogu segundu parte SLB hatama hikas golu.
“Jogu ohin ne’e iha oportunidade barak, maibé jogadór sira mak la aproveita ho di’ak, entaun rejultadu ikus tenki impata 1-1”.
Impata ne’e ita tenki simu, tanba ami hasoru SLB ne’e la’os ekipa ida baibain. Ne’ebé hanesan treinadór nafatin kontenti.
Enkuantu treinadór ne’e mós promete, sei prepara liu tan hodi hasoru ekipa seluk iha jogu tuir mai. (Despotu.xyz)
About Post Author
