Dili – Tuir treinadór Maranatha Fc, Januario Almeida, iha nia tarjetu hakarak ka lakoi nia ekipa tenki sai kampeaun iha kompetisaun Liga Femenina tinan ne’e.
Lia hirak ne’e, hato’o husi treinadór ne’e, ba jornalista Desportu.xyz hafoin remata sesaun treinamentu ba nia jogadór sira iha kampu Demokrasi-Bairo dos Crilos, Kuarta (21/2021).
Nia relata tan, hanesan treinadór hakrak ne’e, ekipa tenki manan, maibé depende ba jogu iha minutus ‘90’ mak termina.
“Hanesan klubu, ita tenki preparadu. Tanba la’os hein jogu to’o mak ita halo preparasaun, ne’e ladun da’ak, ne’ebé ita tenki prepara antes, nune’e jogadór sira bele hatudu sira nia jogu ho kualidade.
Tuir nia katak, antes fulan hirak kotuk labele halo treinamentu, tanba kumpri hela dezisaun governu nian ba serca sanitaria no konfinamentu obrigatoriu ba covid-19.
Durante ne’e, ita labele hala’o treinaentu, tanba kumpri desizaun governu nian, maibé governu anúnsia fali reativa atividade desportiva, entaun ita hahú halo preparasaun.
Maranatha Fc hahú halo ona preparsaun kuaze besik semana tolu, hodi hein kompetisaun jogu liga feto iha fulan Agustu tinan ne’e.
Enkuantu jogadór iha ekipa Maranatha hamutuk, mais ou menus rua nulu resin hitu no iha tan jogadór foun balun husi ekipa Academika Fc.
Tuir kalendáriu ne’ebé Federasaun Futeból Timor Leste (FFTL) anúnsia ona katak, iha fulan Agustu ne’e nia laran sei realiza kompetisaun Liga Futebol Femenina Timorense.
About Post Author
