Futebolistá ho liña avansadu husi ekipa Maranatha Fc Deonisa Barreto iha esperansa bot hakarak lori nia ekipa Maranatha sai kampeaun iha liga femenina époka tinan ne’e.
Tuir nia katak, daudaun ne’e sira nafatin halo preparasaun ba jogu liga feto sei akontese iha tinan ne’e.
“Hau sei lori ami nia ekipa sai kampeaun iha liga feto ba tinan ne’e”. Hateten Deonisa iha kampo Demokrasia-FFTL, Tersa (02/03/2021).
Futebolista ho liña avansadu ne’e promete, sei prepara di’ak liu tan, hamutuk ho nia kolega sira, nune’e bele kompete ho ekipa seluk nune’e Maranatha Fc bele sai kampeaun ba tinan ne’e.
Hau sei treinu liu tan, no sei motiva kolega sira atu halo preparasaun di’ak liu tan hodi lori ekipa sai forte.
“Agora sei nafatin haforsa iha ekipa Maranatha”.
Deoniza hanesan mós selesaun nasional Timor Leste, iha ne’ebé nia mós iha mehi bot, ba futuru hakarak lori ekipa nasional Timor bele sai kampeaun Iha kompetisaun nivel alta sira.
Hanesan mós selesaun nasional Hakarak treinu nafatin, nune’e bele halo kompetisaun ho nasaun seluk, nune’e hatudu katak Futeból feto mós bele. (Vidal).
About Post Author
