Treinador Nagardjo Miguel Santos Soares hatete, ho materia jogador ne’ebé mak iha ekipa Nagardjo fiar a’an hakarak ultrapasa husi jogu Play Off ba tur iha primeiru divizaun epoka tinan 2021.
Tuir treinador ne’e katak, preparasaun ekipa Nagardjo nian ba jogu play off foin mak hala’o semana rua, maibe preparasaun ida ne’e hanesan maximu ona ba jogador sira atu kompete.
“Hau garantia ba jogador sira tenki lori ekipa Nagardjo ultrapasa husi jogu Play off ba primeiru divizaun iha epoka tinan 2021” promote Miguel ba jornalista iha Kampu Demokrasia, Tersa (02/03).
Nia hatutan, ekipa Nagardjo la’os jogador lokal deit maibe sei iha jogador estranjeiru nain ha’at husi Brazil tolu no Ghana ida sei mai prense iha linan avansadu rua defeza ida no mediu ida.
Lista jogador sira nia atu kompete jogu Play Off, estrutura klubu supmete ona ba Liga Futebol Timor Leste (LFTL) iha loron hirak liu ba, dehan nia.
Ekipa Nagardjo sei buka hela guarda rede diak ida hodi hamrik iha kotuk atu salva guarda rede anterior ne’ebé mak ekipa Nagardjo iha.
Miguel haktuir, karik mak ita nia Estadu Emerjensia remata ona hodi loke dalan, posiblidade jogador estranjeiru nain ha’at sei to’o mai iha Timor-Leste atu haforsa Nagardjo iha jogu Play Off no Segundu divizaun. (Eug).
About Post Author
