DILI – Jogador avansadu Elvira Ana da Silva sai hanesan heroi hodi salva nia ekipa Ad SLB kontra Maranatha fc ho eskor 1-1 iha jogu kontinuasaun Liga Fútebol Timorense Femenino primeiru divizaun ne’ebé mak halao iha estadiun municipal Dili, Domingu (22/08).
Observasaun Desportu.XYZ iha jogu primeira parte, ekipa rua mai ho forsa hanesan hodi halo jogu tatika tuir ida-idak nia jogu, maibé Ad SLB ho naran istimadu Makikit Laulara nakonu ho jogador maioria ekipa selesaun nasional domina liu bola husi ain ba ain hodi difikulta ba Maranatha atu kontrola bola.
Iha minutu balun Elvira Ana da Silva simu bola kruza ida husi nia kompaneru Veronica de Jesus iha parte karuk atu fora rede Maranatha, maibé bola ne’ebé nia suta husi ain los sei salva husi guarda rede Brigida da Costa.
Iha ne’ebé Maranatha fila hodi halo kontra ataka fila ba Ad SLB, ikus mai defeza lakon kontrolu hodi fo bola sala ba guarda rede Agustinha Noqueira, halo avansadu Maranatha Agia Bria simu bola hodi bosok gurada rede monu ba sorin no rede tenki nakles halo eskor hatur ba 1-0 iha menutu 6.
Ho eskor refere la hamate esperitu jogu Makikit Laulara nian hodi nafatin domina bola, maibé difesil atu ultrapasa ba area defensivu Maranatha nian to jogu termina primeira parte.
Hakat ba segunda parte, Marantha tun halo mundansa jogu hodi sistema bertahan, enkuantu Makikit Laulara responde ho bola badak iha ba ain ba ain hodi halo guarda rede Brigida da Costa tenki esforsu atu salva bola ne’ebé mak sira suta ameasa.
Menutu 48 Elvira Ana da Silva aproveita bola falta kona besi rin hodi monu ba nia ain halo rede Marantha tenki nakdoko hodi salva nia ekipa Ad SLB ba eskor 1-1 to’o jogu remata.
About Post Author
