DILI – Jogador estranjeiru na’in tolu husi Papua Indonesia semana oin sei to’o Timor Leste hodi reforsa DIT FC Iha jogu primeira divizaun Liga Futebol Timor-Leste (LFTL) Epoka 2021-2022.
Diretor ezekutivu DIT FC Estanislao Batista hatete, ami kontratu ona jogador estranjeiru maximu na’in tolu atu mai reforsa DIT FC no ninia karta ami submete ona ba iha sentru integradu jestaun de krize no mos iha imigrasaun para hetan autorizasaun hodi haruka sira mai.
“Jogador estranjeiru nain tolu ne’e mai husi Papua Indonesia hodi reforsa lina DIT FC iha parte mediu, avansadu no gelanda bertahan” dehan Estanislao ba desportu.xyz iha sede DIT FC Manleu Tersa, (05/10).
Nia sublina, posivelmente tu’ir tentativa ami nian dalaruma semana oin kuarta, tanbá tu’ir loloos ne’e sira entrada aban maibé liga ba situasaun balu sira nia viajen la konsege mai entaun klubu adia semana oin sira Mai dalaruma kumpri karantina maximu loron 14. No sira mai iha 13 entaun dia 27 hanesan ne’e bele livre hamutuk ho ami nia ekipa.
Jogador na’in tolu ne’e ida mediu Gilbert nudar jogador ne’ebé mak joga ona iha Epoka Liu ba iha DIT Fc, enkuantu na’in rua seluk seidauk fo sai nia identidade.
“Jogador Gilbert performa ami hatene muitu bem mas sira na’in rua seluk ami komunika mas Ami hatene katak minimu sira nia prestasaun liu jogador lokal. Alende Sira mai hola parte Jogu mas mai motiva jogador Sira seluk.”
Tu’ir Estanislao parte defeza DIT FC sufisiente ba kompetisaun primeiru divizaun Liga Futebol Timor-Leste maibé lina klaran no parte avansadu mak presija aumenta atu fo rezultu Diak iha Epoka tinan ne’e.
Estanislau mos optimista tinan ne’e DIT Fc hakarak hatudu rejultadu Ida ne’ebé pozitivu liliu ba iha klubu ba mos adeptus.
About Post Author
