Dili- Tabela klasifikasaun 2 divizaun Liga Futeból Timor Leste (LFTL), iha jogu jornada daruak Grupu B, provizoriamente Santa Cruz Fc mak sei “ukun” ho pontus 6, ne’ebé manan iha jogu 2, hafoin halakon Emanuel ho skor 2:0.
Jogu entre ekipa rua, iha Stadium Munisipal Dili, Sábadu (23/10), ne’ebé árbitro lideradu husi Romario Teti hahú hú árbitu lian, iha jogu primeira parte, ekipa rua tun ho tátiku jogu ka ritmu hanesan, tanba bola husi ain ba ain ba malu, hodi fó ameasa ba rede ekipa ida-idak nian, maibé la rejulta golu ruma tanba hetan salva husi linã defensivu.
Maibé liu de’it iha minutu 8 nia laran, ekipa Santa Cruz fura uluk rede Emanuel nian, liu husi bola barullu iha liña 16 nia laran, nune’e Liborio Geronimo ho númeru kamizola 10 aproveita bola hodi suta tama iha rede Emanuel nian hodi hatur skor 1-0.
Golu refere halo tensaun jogu sa’e makas, tanba Emanuel tenki esforsu-áan hodi halo kontra atake ba Santa Cruz hodi fó ameasa maka’as ba kuarda rede Santa Cruz nian, mabé baliza Marcio das Dores tenki salva bola refere.
Nune’e to’o jogu primeira parte remata, mantein ho skor 1-0.
Hakata ba jogu segundu parte, Emanuel hahú muda nia jogu hodi halo kontra atake ba Santa Cruz hodi fó mós ameasa, maibé la rejulta golu, tanba liña defeza Santa Cruz nian la fó fatin.
Ho nune’e, obrigadu treinadór Emanuel Emilio da Silva tenki troka nia jogadór Vidal Correia ne’ebé subtitui husi Bernardino Sena hodi mantein iha liña defeza, atu labe simu tan golu.
Maibé iha minutu “64” Emanuel nia jogadór Emiliano monis tenki simu kartaun kinur tanba dudu monu jogadór Santa Cruz nian, Alito da Cruz iha liña 16 nian liur, parte karuk hodi halo bola falta. Nune’e ezekutadór João Paulo de Souza suta bola tama iha area penalidade Emanuel nian, hodi Alexandro Corsino aproveita bola cabsada tan golu ida hodi hatur 2-0.
Golu daruak ne’e halo treinadór Emanuel Emilio da Silva, tenki troka tan nia liña defeza Imiliano Monis, ne’ebé subtitui husi Luis Gusmão ba posizaun liña klaran, no dudu fila fali Carolina Correia antes joga iha liña klaran tun ba defeza.
Ho subtituisaun ne’e halo defeza Santa Cruz nian taka bola kintu kantu, tanba Emanuel halo agresaun maka’as hodi halo guarda rede, Marcio hamrik la metin atu salva bola.
Depois iha minutu 84 jogadór Santa Cruz, Alito da Cruz tenki simu kartaun mean tanba ka’it monu Benardino Sena husi kotuk besik lina 16 nian, hodi halo bola falta, maibé ekipa Emanuel labele aproveita bola hodi produz golu ruma.
Hafoin jogu segunda parte besik remata, treinadór Santa Cruz João Campos tenki dudu sai nia jogadór avansadu Alexandro Corsino, ne’ebé subtitui husi Jacinto da Silva hodi defende tán liña defeza, atu asegura ho skor 2-0 ne’ebé sira hetan ona.
Tán ne’e to’o jogu segunda parte termina, vitória ba Santa Cruz hatur ho skor 2-0 no Emanuel tenki simu derota.
Ho derota ne’e asistente treinadór Emanuel FC Januario de Almeida hateten, iha jogu entre ekipa rua nia ekipa joga di’ak, maibé parte liña oin, falla tanba lakon bola barak.
Jogadór Emanuel lakoi aproveita oportunidade ne’e, nune’e oportunidade ba fali Santa Cruz, hodi lakon pontu 3 husi ekipa adeversáriu.
Nune’e mós treinadór Santa Cruz João Campos informa, nia parte fó parabens ba nia jogadór sira tanba bele manan iha jogu refere.
Hau mós fó parabens ba Emanuel, tanba bola ohin ne’e oportunidade barak liu ba sira, maibé la akontese golu ruma.
Nia hatutan tán, maske profizoriomente sira lidera hela iha grupu B ho pontus 6, maibé seidauk signifikante, tanba sei hela jogu 3, kontra Nagardjo Fc, Ultramar Fc no Lica-Lica Lemorai. Tanba ne’e nia promete, sei prepara di’ak liu tan hodi hein jogu tuir mai. (Vidal).
About Post Author
, ne’ebé árbitro lideradu husi Romario Teti hahú hú árbitu lian, iha jogu primeira parte, ekipa rua tun ho tátiku jogu ka ritmu hanesan, tanba bola husi ain ba ain ba malu, hodi fó ameasa ba rede ekipa ida-idak nian, maibé la rejulta golu ruma tanba hetan salva husi linã defensivu.){kind=link}