Dili – Fc Porto Taibesi provizoriomente komanda grupu A ho pontus 6, iha jogu jornada daruak kontra AS-Marca iha Stadium Munisipal Dili, Sexta (23/10) ne’e ho rejultadu skor 2-1.
Ekipa Portu Taibesi tama ona iha liña normal, tanba antes ne’e halakon Zebra Fc iha jogu jornada dahuluk hodi hetan pontu 3 no kontinuasaun iha jogu jornada daruak rekolla tán pontus 3 husi nia adversáriu AS-Marca iha Liga Futeból Timor Leste (LFTL) époka 2021.
Tanba ne’e treinadór Fc Portu Taibesi José Gomes fó nia komentáriu katak, nia parte kontete tebes, tanba bele manan iha jogu refere.
Maibé nia parte rekoñese ekipa adversáriu mós hatudu sira nia jogu di’ak tebes.
“Jogu ida ohin ne’e tuir loloos ami hetan golu barak, maibé falla mós iha liña klaran, tanba halo ema kaer bola barak liu, ne’ebé presiza sei hadia di’ak liu Tan. Hateten treinadór ne’e.
Nune’e mós treinadór As-Marca Edwin Belo mós rekoñese, lakon la manan tenki simu realidade, tanba ne’e jogu.
Jogu ohin ne’e Portu Taibesi jogu forte tebes, maibé ami esforsu-áan hodi halo impata 1-1, maibé to’o ikus ami tenki derota ho 1-2, maibé derota ne’e mós tanba falla iha udan.
Atu fó hanoin de’it AS-Marca lakon ona jogu rua, iha jornada dahuluk derota ho…no jogu jornada daruak derota ho Portu Taibesi. Tanba ne’e AS-Marca hela de’it jogu rua Iha tabela Klasifikasaun grupu A mak hanesan Fitun Estudante Fc no Zebra Fc.
Maske As-Marca derota ona ba daruak, maibé treinadór Edwin seidauk hakfodak ho derota ne’e. (Vidal).
1
Foto Galeria Jogu
FC Porto Taibesi vs FC Ass Marca 
Primeira Parte
About Post Author
